TRENDING:
जोगेश्वरीत राहणारे वाहन चालक राजेंद्र जयराम यादव (44) यांच्यावर हा हल्ला करण्यात आला. रात्री सुमारे 10 वाजता राजेंद्र घरी परतत असताना, त्यांचा पुतण्या पंकज यादव (22) यांच्यासोबत सिगारेटच्या पैशावरून वाद सुरू झाला. वाद चिघळत असताना, नागेंद्र यादव (22) हा परिसरातील रहिवासी घटनास्थळी आला. यावेळी नागेंद्र धुंद अवस्थेत असल्याने त्यांच्या हालचालींवर नियंत्रण नव्हतं. त्यांनी दोघांच्या वादात मध्यस्थी करण्याचा प्रयत्न केला, परंतु त्याचा उलटा परिणाम झाला आणि वाद आणखी चिघळला.
advertisement
“बाबा, मी आहे ना...,” डोळ्यासमोर आई गेली, लेकीनं वडिलांना सावरलं, छ. संभाजीनगर हळहळलं!
वाद अधिक उग्र झाल्यानंतर, नागेंद्र यादवने राजेंद्र यादवच्या अंगावर ज्वलनशील पदार्थ टाकून आग लावली. यामुळे राजेंद्र गंभीर जखमी झाले. पंकज यादव ही घटना पाहून त्वरित पळून गेले आणि स्वतःला सुरक्षित केले. उपस्थित नागरिकांनी आग तातडीने विझवली. जखमी राजेंद्र यादव यांना शेजारी राहणाऱ्या मनोज यादव यांनी तातडीने दुचाकीवरून ट्रॉमा केअर येथे नेले. तिथे प्राथमिक उपचारानंतर त्यांना पुढील उपचारासाठी मल्लिका हॉस्पिटल, जोगेश्वरी पश्चिम येथे दाखल केले गेले. डॉक्टरांनी त्यांना गंभीर जखमी म्हणून उपचार सुरू केले आहेत.
दरम्यान, अंबोली पोलिसांनी नागेंद्र यादवविरुद्ध जिवे ठार मारण्याचा प्रयत्न केल्याप्रकरणी गुन्हा दाखल केला असून, आरोपीच्या शोधासाठी तपास सुरू आहे. पोलिसांनी घटनास्थळाची सखोल चौकशी करत असून, नागरिकांना अशा प्रकारच्या वादांमध्ये हस्तक्षेप करताना सतर्क राहण्याचे आवाहन केले आहे.