राधा सागरनं सोशल मीडिया पोस्ट करत म्हटलं आहे की, आमच्या आयुष्यातील सर्वोत्तम क्षण,आणि आम्हाला मुलगा झाला, तो आल्यावर सगळं कसं चमकत असल्यासारखं वाटतयं. कारण तो थोडा जादुई मुलगा आहे.जीवनाच्या या नवीन प्रवासात आम्हाला आई आणि वडील म्हणून निवडल्याबद्दल धन्यवाद!!! सोबत तिनं बाळाच्या इवल्याशा हाताचा एक गोड फोटो देखील शेअर केला आहे. चाहत्यांकडून राधा सागरवर शुभेच्छांचा वर्षाव होत आहे.
advertisement
वाचा-महाराष्ट्राची हास्यजत्रा फेम प्रसाद खांडेकरने घेतलं घर, नेमप्लेटनं वेधलं लक्ष
राधा सागर हिला मुलगा झाला आहे. यापूर्वी देखील राधानं तिच्या या प्रवासातील प्रत्येक अपडेट तिच्या चाहत्यांसोबत शेअर केली होती. राधा हिने आपल्या अभिनयाने प्रेक्षकांची मनं जिंकली. ती यापूर्वी ' आई कुठे काय करते' आणि 'सुंदरा मनामध्ये भरली' या मालिकांमध्ये दिसली.
काही महिन्यांपूर्वी तिने आपण मालिकांमधून ब्रेक घेत असल्याचं सांगत चाहत्यांसोबत एक पोस्ट शेअर केली होती. त्यानंतर तिने तिच्या मॅटर्निटी शूटचा व्हिडिओ शेअर करत चाहत्यांना आनंदाचा धक्का दिला होता. तिच्यावर चाहत्यांनी शुभेच्छांचा वर्षाव केला होता. त्यानंतर तिच्या डोहाळे जेवणाचे फोटो समोर आले होते. तेव्हाही चाहत्यांनी तिचं भरभरून कौतुक केलं होतं