पुण्यातील फर्ग्युसन कॉलेजच्या कॅम्पसमध्ये पुणे पुस्तक महोत्सवाचं आयोजन करण्यात आलं आहे. गौतमी पाटील याठिकाणी नाचणारा का असं सर्वांना वाटलं होतं. पण नेहमीच नाचणारी गौतमी यावेळी हातात पुस्तक घेऊन वाचताना दिसली. अभिनेत्री दिग्दर्शक प्रवीण तरडे यांनी गौतमी पाटीलला पुस्तक भेट दिली.
( Gautami Patil: 'जो पक्षात घेईल त्याच पक्षात मी फिक्स' गौतमी पाटील करणार राजकारणात एन्ट्री? )
advertisement
पुणे पुस्तक महोत्सवात बोलताना गौतमी म्हणाली, "मला इतर ठिकाणी नाचायला बोलवतात पण इकडे पुस्तक वाचायला बोलावलं. पुण्यात एवढा मोठा पुस्तक महोत्सव भरला आहे मला यापुढे मोकळा वेळ मिळाला तर मी पुस्तक वाचणार आहे."
गौतमी पुढे म्हणाली, "पुस्तक महोत्सवाला आल्यामुळे मला चालना मिळेल वळण मिळेल. मला लहानपणापासून डान्स करत होते पण आता नक्की पुस्तक वाचेन. सर्वांनी पुस्तक वाचा. मला पुस्तक वाचण्याची संधी मिळाली नाही पण इथून पुढे नक्की पुस्तक वाचणार आहे."
गौतमीने प्रवीण तरडे यांचे आभार मानले. गौतमी म्हणाली, "प्रवीण दादा सुचवलेले शिवाजी महाराज यांचे पुस्तक मी वाचणार आहे. मला प्रवीण तरडे आता पुस्तक निवडून देणार आहेत त्यांनी मला या ठिकाणी बोलावलं त्याबद्दल आभार." तर प्रवीण तरडे म्हणाले, "मी 'फकिरा' अण्णाभाऊ साठे यांचे पुस्तक भेट देणारा आहे."