स्टार प्रवाह वाहिनी लवकरच एक नवी मालिका सुरू होणार आहे. नुकतीच या मालिकेची घोषणा करण्यात आली आहे. 'वचन दिले तू मला' असं मालिकेचं नाव आहे. ही गोष्ट आहे हुशार, हजरजबाबी, धाडसी अॅडव्होकेट ऊर्जाची आणि तिच्या न्यायासाठीच्या लढाईत खंबीरपणे साथ देणाऱ्या अॅडव्होकेट शौर्यची. एका संवेदनशील छेडछाड प्रकरणात ऊर्जा निर्धाराने उभी राहते. तिच्यासमोर उभा असतो निष्णात वकील हर्षवर्धन जहागिरदार. प्रचंड अहंकारी असलेला हर्षवर्धन पराभव स्वीकारु शकत नाही. जेव्हा ॲडव्होकेट ऊर्जा शिंदे हर्षवर्धनच्या विरोधात उभी रहाते तेव्हा त्याच्या याच अहंकाराला ठेच पोहोचते आणि तिथूनच नव्या लढ्याला सुरुवात होते .
advertisement
सुप्रसिद्ध अभिनेत्री अनुष्का सरकटे आणि लोकप्रिय अभिनेता इंद्रनील कामत ही नवी जोडी या मालिकेच्या निमित्ताने प्रेक्षकांच्या भेटीला येतेय. 'वचन दिले तू मला' ही नवी मालिका 15 डिसेंबरपासून रात्री 9.30 वाजता सुरू होणार आहे.
'वचन दिले तू मला' या मालिकेचा प्रोमो समोर आल्यानंतर आता 'लक्ष्मीच्या पावलांनी' ही मालिका प्रेक्षकांचा निरोप घेणार का अशा चर्चा सुरू झाल्या आहेत. कारण 'लक्ष्मीच्या पावलांनी' ही मालिका रात्री 9.30 वाजता टेलिकास्ट होते. आता 15 नोव्हेंबरपासून रात्री 9.30 वाजता व'चन दिले तू मला' ही मालिका सुरू होणार आहे. नव्या मालिकेमुळे 'लक्ष्मीच्या पावलांनी' ही मालिका ऑफ एअर जाणार का असा प्रेक्षकांना पडला आहे.
अभिनेत्री ईशा केसकर हिने काही दिवसांआधीच ही मालिका सोडली. प्रकृतीच्या कारणामुळे तिला स्वत:हून या मालिकेतून एक्झिट घ्यावी लागली. ईशाने मालिका सोडल्यामुळे प्रेक्षकांनी नाराजी व्यक्त केली होती. आता वचन दिले तू मला ही मालिका रात्री 9.30 वाजता सुरू होणार असल्याचं समोर आल्यानंतर लक्ष्मीच्या पावलांनी ही मालिका संपणार की काय असा प्रश्न प्रेक्षकांना पडला आहे. वाहिनीकडून लक्ष्मीच्या पावलांनी या मालिकेच्या वेळेबाबत अद्याप कोणतीही अपटेड दिलेली नाही.
