सतीश राजवाडे दिग्दर्शित 'मुंबई-पुणे-मुंबई 4' प्रेक्षकांच्या भेटीला येणार आहे. 'प्रेमाची गोष्ट 2' या सिनेमाच्या सुरुवातीलाच 'मुंबई-पुणे-मुंबई 4'ची घोषणा करण्यात आली आहे. 'प्रेमाची गोष्ट 2' या सिनेमाबरोबर थिएटरमध्ये 'मुंबई-पुणे-मुंबई 4' या सिनेमाचा ट्रेलर दाखवण्यात येत आहे.
( पुष्कर जोगचा नवा सायकोलॉजिकल थ्रिलर ड्रामा, पोस्टर पाहूनच येईल अंगावर काटा; या दिवशी होतोय रिलीज )
advertisement
गौरी आणि गौतम म्हणजे अभिनेता स्वप्निल जोशी आणि अभिनेत्री मुक्ता बर्वे ही जोडी पुन्हा एकदा प्रेक्षकांच्या भेटीला येणार आहे. सिनेमाची निर्मिती संजय छाब्रिया आणि अमित भानुशाली यांनी केली आहे. 'मुंबई-पुणे-मुंबई 4' हा पहिला मराठी फ्रेंचाइजी सिनेमा आहे .
सतीश राजवाडे यांनी मटाशी बोलताना सांगितलं, "मुंबई- पुणे- मुंबई 4 ची प्रेक्षकांना खूप उत्सुकता आहे हे मी जाणतो. सिनेमा लिहून पूर्ण आहे निर्मात्यांनी तो वाचला आहे. सुयोग्य वेळी सिनेमाचं शूटींग सुरू करणार आहोत."
'मुंबई-पुणे-मुंबई' हा सिनेमा 2010 साली रिलीज झाला होता. मराठीतील काही कल्ट क्लासिक सिनेमांपैकी हा एक सिनेमा आहे. त्यानंतर 2015 साली 'मुंबई-पुणे-मुंबई 2' प्रेक्षकांच्या भेटीला आला. या सिनेमालाही प्रेक्षकांचा चांगला प्रतिसाद मिळाला होता. त्यानंतर 2018 साली 'मुंबई-पुणे-मुंबई 3' प्रेक्षकांच्या भेटीला आला. तिन्ही सिनेमांपैकी पहिल्या पार्टला प्रेक्षकांचा चांगला प्रतिसाद मिळाला होता. आता सिनेमाच्या चौथ्या भागात काय पाहायला मिळणार याची प्रेक्षकांना उत्सुकता आहे.