नेमके काय आहे प्रकरण?
पोलिसांनी सोमवारी २८ ऑक्टोबर रोजी दिलेल्या माहितीनुसार, अभिनेता चिरंजीवी यांच्या तक्रारीनंतर सायबर क्राइम पोलीस स्टेशनमध्ये गुन्हा दाखल करण्यात आला आहे. तक्रारीत चिरंजीवी यांनी आरोप केला आहे की, काही वेबसाइट्स त्यांच्या नावाचा आणि प्रतिमेचा वापर करून एआय-जनरेटेड डीपफेक आणि मॉर्फ्ड व्हिडिओ प्रसारित करत आहेत, ज्यात त्यांना अश्लील कृत्यांमध्ये चुकीच्या पद्धतीने दर्शवण्यात आले आहे.
advertisement
चिरंजीवी यांनी स्पष्ट केले आहे की, हे व्हिडिओ पूर्णपणे बनावट आहेत आणि AI चा वापर करून तयार केले आहेत. त्यांनी तक्रारीत नमूद केले आहे, "या बनावट व्हिडिओंचा वापर दुर्भावनापूर्ण हेतूने मला अश्लील संदर्भांमध्ये चित्रित करण्यासाठी केला जात आहे, ज्यामुळे सार्वजनिक प्रतिमा विकृत होत असून, अनेक दशकांच्या माझ्या प्रतिष्ठेची हानी होत आहे."
पोलिसांत गुन्हा दाखल
या गंभीर आरोपांनुसार, २५ ऑक्टोबर रोजी सायबर क्राइम पोलीस स्टेशनमध्ये आयटी अधिनियम, बीएनएस आणि महिलांच्या अश्लील प्रतिनिधित्वावर अधिनियम, १९८६ च्या संबंधित कलमांखाली गुन्हा दाखल करण्यात आला आहे. पोलीस या प्रकरणाचा तपास करत आहेत.
चिरंजीवी यांनी सांगितले की, केवळ एकाच ठिकाणी नव्हे, तर हे व्हिडिओ विविध वेबसाइट्समध्ये क्रॉस-प्रमोट आणि रिपोस्ट केले जात आहेत. याचा अर्थ, हे काम संघटित आणि दुर्भावनापूर्ण पद्धतीने सुरू आहे.
प्रतिष्ठा धोक्यात
या व्हिडिओमुळे त्यांच्या इतक्या वर्षांच्या प्रतिष्ठेचे नुकसान होत असल्याचा गंभीर मुद्दा चिरंजीवी यांनी उपस्थित केला आहे. त्यांनी या वेबसाइट्स आणि या एआय-निर्मित कंटेंटच्या निर्मिती, अपलोडिंग आणि प्रसारात सामील असलेल्या सर्व व्यक्तींविरुद्ध तातडीने फौजदारी आणि तांत्रिक तपास सुरू करण्याची विनंती केली आहे. यापूर्वी सिटी सिव्हिल कोर्टाने चिरंजीवी यांच्या नावाचा, प्रतिमेचा आणि त्यांच्याशी संबंधित गोष्टींचा वापर करण्यावर काही संस्थांना अंतरिम मनाई आदेश जारी केला आहे.