भृंगराजला भारतात भांगडा, माका, बाबरी, केसुती इत्यादी विविध नावांनी ओळखलं जातं. भृंगराजमधे असलेले अँटिऑक्सिडंट्स, फ्लेव्होनॉइड्स आणि अल्कलॉइड्स शरीरातील विषारी पदार्थ बाहेर काढण्यास आणि निरोगी पेशी राखण्यास मदत करतात.
Health Tips : सुस्ती घालवण्यासाठी हेल्थ टिप्स, दिवस जाईल फ्रेश आणि आनंदी
भृंगराज ही एक बहुउपयोगी औषधी वनस्पती आहे. केसांचं आरोग्य सुधारण्याबरोबरच यकृत, मूत्रपिंड आणि पचनसंस्था यांसारखे अंतर्गत अवयव देखील यामुळे मजबूत होतात. योग्य पद्धतीनं आणि प्रमाणात वापरलं तर यामुळे शरीराचं अनेक आजारांपासून रक्षण होतं.
advertisement
केस गळणं, पांढरे होणं आणि टक्कल पडणं या समस्या रोखण्यासाठी याचा वापर सर्वात जास्त केला जातो. यामुळे यकृताचं हेपेटायटीस सी सारख्या विषाणूजन्य संसर्गापासून संरक्षण करणं शक्य होतं.
भृंगराजचा वापर - भृंगराज पावडर, रस, कॅप्सूल किंवा तेलाच्या स्वरूपात सेवन केलं जाऊ शकतं. डॉक्टरांच्या सल्ल्यानुसार दिवसातून दोनदा दोन-तीन ग्रॅम भृंगराज पावडर मधासह घेऊ शकता. केसांच्या समस्यांसाठी भृंगराज तेल टाळूला लावणं खूप फायदेशीर आहे.
Health Drink : हेल्थ ड्रिंकची जादू, महिनाभरात कमी होईल वजन, वाचा उपयुक्त टिप्स
भृंगराजच्या पानांपासून बनवलेली पेस्ट त्वचेच्या आजारांवर फायदेशीर आहे. अपचन, बद्धकोष्ठता, गॅस आणि भूक न लागणं यासारख्या पोटाच्या समस्यांवर देखील प्रभावी आहे. यामुळे जळजळ कमी होते आणि रोगप्रतिकारक शक्ती वाढते.
भृंगराज ही सुरक्षित औषधी वनस्पती मानली जात असली तरी, जास्त प्रमाणात खाल्ल्यानं पोटदुखी किंवा इतर समस्या उद्भवू शकतात. गर्भवती महिला, स्तनपान करणाऱ्या महिला आणि मधुमेह असलेल्यांनी भृंगराज सेवन करण्यापूर्वी डॉक्टरांचा सल्ला घ्यावा.