एसीच्या पाण्याची वैशिष्ट्ये
AC मधून निघणारे पाणी खरं तर हवेतील आर्द्रतेपासून तयार झालेले असते. हे पाणी डिस्टिल्ड वॉटरसारखे असते. म्हणजेच, त्यात खूप कमी प्रमाणात खनिजे किंवा रसायने असतात. जरी ते पिण्यायोग्य नसले तरी, ते अनेक घरगुती आणि रोजच्या कामांमध्ये वापरले जाऊ शकते.
एसीचा पाण्याचा कुठे वापर करता येतो?
झाडांना पाणी देण्यासाठी : हे पाणी स्वच्छ असते आणि ते कोणत्याही धोक्याशिवाय झाडांना देता येते. विशेषतः घरातील झाडांसाठी हे पाणी खूप चांगले असते.
advertisement
बाथरूम आणि टॉयलेट स्वच्छ करण्यासाठी : फरशी धुण्यासाठी, टॉयलेट फ्लश करण्यासाठी किंवा वॉशरूम स्वच्छ करण्यासाठी एसीच्या पाण्याचा मुक्तपणे वापर करता येतो.
वाहने स्वच्छ करण्यासाठी : गाडी धुण्यासाठी हे पाणी एक उत्तम पर्याय आहे. यामुळे पाण्याची बचत तर होईलच, पण तुमची गाडीही चमकेल.
कूलिंग उपकरणांमध्ये वापर : काही लोक हे पाणी त्यांच्या घरातील लहान धबधब्यांमध्ये किंवा एयर कूलरमध्ये देखील वापरतात, कारण हे पाणी साचलेले नसते आणि मशीनसाठी सुरक्षित असते.
कपडे धुण्यासाठी किंवा फरशी पुसण्यासाठी : वॉशिंग मशीनमध्ये कपड्यांना प्री-वॉश करायचा असेल किंवा बादलीत हाताने कपडे धुवायचे असतील, तर तिथेही या पाण्याचा वापर करता येतो.
हे ही वाचा : खतरनाक साप घराच्या आसपासही फिरकणार नाहीत, बचावासाठी लगेच करा 'हे' उपाय; तज्ज्ञ सांगतात...
हे ही वाचा : ‘धान्यांचा राजा’ जवस! अनेक औषधी गुणधर्मांचा खजिना; यूरिक ॲसिड-डायबेटिस लावतो पळवून!