अरुण हजारे हे मिसळ विकून चांगली कमाई करतायत. सुरुवातीला ते गाडीवर फिरवून मिसळ विकत होते. आता ‘अण्णा मिसळ’ म्हणून हॉटेल चालू केले. त्यांच्याकडे मिसळ पाव आणि मिसळ पुरी अशा दोन प्रकारच्या मिसळ भेटतात. शिर्डी शहरातील लोकप्रिय मिसळ सेंटर म्हणून ‘अण्णा मिसळ’ हे ठिकाण ओळखलं जातं. व्यवसायात हातभार म्हणून अरुण हजारे यांचा मुलगा देखील हाच व्यवसाय करत आहे.
advertisement
Famous Misal Pune: अस्सल झणझणीत, पुण्यात प्रसिद्ध आहे ही मिसळ, एकदा खाल तर पुन्हा याल
12 जणांना रोजगार
हजारे यांच्याकडे सुरुवातीला फक्त मिसळपाव भेटत असे. पण त्यात वाढ करत, ग्राहकांची आवड लक्षात घेता त्यांनी दोन प्रकारच्या मिसळ सुरू केल्या. एक प्रकार म्हणजे पाववाली मिसळ. ही गरमागरम मिसळपाव फक्त 50 रुपयाला मिळते. दुसरा प्रकार म्हणजे गरमागरम पुरीवाली मिसळ, जी 60 रुपयाला भेटते. स्पेशल मिसळ थाळी 80 रुपयाला मिळते. लहान मुलांपासून ते वृद्धापर्यंत सर्वजण मिसळ मोठ्या चवीने खातात. या व्यवसायातून जवळपास 12 लोकांना त्यांनी रोजगार उपलब्ध करून दिला आहे.
सर्वात महत्त्वाचं म्हणजे मराठी उद्योजक सुद्धा मिसळचा व्यवसाय यशस्वीरित्या करू शकतो. फक्त व्यवसायात संयम, सातत्य आणि प्रामाणिकपणा ठेवला तर यश मिळतं. आता मुलगा देखील याच व्यवसायात असून, तो चांगल्या प्रकारे व्यवसाय सांभाळत असल्याचं अरुण हजारे सांगतात.