चहा किंवा फक्त पाणी नका घेऊ! त्याऐवजी सकाळी उपाशी पोटी घ्या 'हे' पाणी, शरीराच्या या समस्या होतात दूर

आरोग्य तज्ज्ञ काय सांगतात?

दिल्लीच्या वसंत कुंज येथील इंडियन स्पाइनल इंज्युरी सेंटरचे डॉ. अंकुर जैन यांच्या मते, लिंबामध्ये भरपूर प्रमाणात व्हिटॅमिन C आणि अँटीऑक्सिडंट्स असतात, जे शरीरासाठी अत्यंत फायदेशीर ठरतात. तसेच, हे शरीराला हायड्रेट ठेवते. जर तुम्ही रोज सकाळी उपाशीपोटी लिंबू-पाणी प्यायला सुरुवात केली, तर त्याचे अनेक फायदे दिसून येतील.

लिंबू-पाणी पिण्याचे फायदे

1) पचनतंत्र मजबूत होते : सकाळी उठल्यावर लिंबू पाणी प्यायल्याने पचनसंस्था सुधारते आणि शरीर नैसर्गिकरीत्या डिटॉक्स होते.

2) कब्ज आणि गॅसची समस्या दूर होते : जर तुम्हाला वारंवार पचनाच्या तक्रारी, गॅस किंवा बद्धकोष्ठता होत असेल, तर लिंबू-पाणी हे एक नैसर्गिक उपाय आहे.

3) मेटाबॉलिझम सुधारतो आणि वजन कमी होते : गरम पाण्यात लिंबू मिसळून प्यायल्याने मेटाबॉलिझम वेगाने कार्य करते आणि वजन नियंत्रित राहते.

4) त्वचेला नैसर्गिक चमक येते : रोज सकाळी लिंबू-पाणी प्यायल्याने त्वचेचा ग्लो वाढतो, मुरुमांची समस्या कमी होते आणि त्वचा तजेलदार दिसते.

5) यकृत (लिव्हर) मजबूत होते : जर यकृत कमजोर असेल, तर लिंबू-पाणी प्यायल्याने ते मजबूत होते आणि शरीरातील विषारी पदार्थ बाहेर टाकण्यास मदत होते.

कसे प्यावे?

सकाळी उठल्यावर कोमट पाण्यात अर्धा लिंबू पिळून प्या.

साखर किंवा मीठ टाळा, त्याऐवजी हवे असल्यास मध मिसळू शकता.

चांगल्या परिणामांसाठी रोज नियमितपणे पिण्याची सवय लावा.

वरील माहिती आरोग्य तज्ज्ञांच्या सल्ल्यानुसार दिली आहे. शरीराच्या गरजेनुसार परिणाम वेगवेगळे असू शकतात, त्यामुळे कोणतेही नवीन पदार्थ आहारात समाविष्ट करण्यापूर्वी डॉक्टरांचा सल्ला घ्या.

हे ही वाचा : Skin Care : चेहरा सतेज राहण्यासाठी करा या गोष्टी...निगा राखणं होईल सोपं