या औषधाने हृदयविकार आणि स्ट्रोक टाळता येऊ शकतो
न्यूयॉर्क टाइम्सच्या वृत्तानुसार, हे नवीन औषध 'एली लिली' या कंपनीने विकसित केले आहे. त्याचे नाव 'लेपोडिसिरन' आहे. हे औषध रक्तातील लहान कण Lp(a) ची पातळी 94% पर्यंत कमी करू शकते. हे कण हृदयविकार आणि स्ट्रोकचा धोका वाढवतात. जर हे नवीन औषध इंजेक्शनद्वारे शरीरात पोहोचवले गेले, तर रक्तातील धोकादायक कण मोठ्या प्रमाणात निष्प्रभ होऊ शकतात. या औषधाचा प्रभाव 6 महिने टिकतो आणि आतापर्यंत कोणतेही दुष्परिणाम दिसून आलेले नाहीत. अशा स्थितीत हे औषध हृदयविकार आणि स्ट्रोक टाळण्यासाठी प्रभावी ठरू शकते.
advertisement
रक्तातील Lp(a) कणामुळे धोका उद्भवतो
अमेरिकेच्या अमेरिकन कॉलेज ऑफ कार्डिओलॉजीच्या वार्षिक बैठकीत या औषधाबद्दल माहिती देण्यात आली आणि हे संशोधन 'न्यू इंग्लंड जर्नल ऑफ मेडिसिन' मध्ये प्रकाशित झाले आहे. संशोधनानुसार, कोट्यवधी लोकांच्या रक्तात Lp(a) कण असतात. हे एक प्रथिन-चरबीचे मिश्रण आहे, जे हृदयविकार आणि स्ट्रोकचा धोका मोठ्या प्रमाणात वाढवते. अमेरिकेत सुमारे 6.4 कोटी लोकांच्या रक्तात या कणांची पातळी जास्त आहे, पण फार कमी लोकांना याची माहिती आहे आणि डॉक्टरही त्याची नियमित तपासणी करत नाहीत. याचे कारण म्हणजे यापूर्वी यासाठी प्रभावी औषध उपलब्ध नव्हते.
प्रत्यक्ष बाजारात औषध यायला उशीर लागेल
आता एली लिलीच्या नवीन औषधामुळे हृदयविकार आणि स्ट्रोक टाळण्याची आशा वाढली आहे. याशिवाय, किमान चार इतर कंपन्याही अशा औषधांवर काम करत आहेत, जे शरीरात LP(a) चे उत्पादन थांबवतात. यापैकी एका अभ्यासात नोव्हार्टिसच्या औषधावर लक्ष केंद्रित केले आहे, जे दर महिन्याला इंजेक्ट केले जाईल आणि त्याचे परिणाम 2026 मध्ये अपेक्षित आहेत. मात्र, ही औषधे अजूनही फेज 2 च्या क्लिनिकल ट्रायल्समध्ये आहेत आणि बाजारात येण्यापूर्वी त्यांना अनेक वर्षे चाचणी करावी लागेल. डॉक्टरांचे म्हणणे आहे की, या औषधाचा पूर्णपणे परिणाम समजून घेण्यासाठी आणखी चाचण्यांची गरज आहे. अंतिम निकाल तेव्हाच येईल जेव्हा हे औषध फेज 3 च्या ट्रायल्समध्ये पोहोचेल. त्यानंतर त्याची सुरक्षा आणि प्रभावीपणा तपासला जाईल.
हे ही वाचा : ओठ फाटणे, कोरडे होणे किंवा काळे होणे... ही कशाची लक्षणं असतात? यावर कोणता उपाय कराल?
हे ही वाचा : रोज फक्त 15 पुश-अप्स मारा; शरीरातील बदल पाहून तुम्हीही चकित व्हाल, तज्ज्ञांनी सांगितले 5 मोठे फायदे