TRENDING:
पुणे बाजार समितीचे मुख्य व उपबाजार बंद
पुणे महानगरपालिका क्षेत्रातील कृषी उत्पन्न बाजार समिती पुणेच्या मुख्य बाजार आवारातील फळे-भाजीपाला विभाग, पान बाजार, केळी बाजार, गुरांचा बाजार, गुळभुसार बाजार, फुलांचा बाजार, भुईकाटा केंद्र आणि पेट्रोल पंप विभाग गुरुवारी बंद राहणार आहेत. तसेच मोशी, उत्तमनगर, मांजरी आणि खडकी येथील उपबाजारही पूर्णतः बंद ठेवण्यात येणार आहेत.
advertisement
Ajit Pawar Death: अजितदादांनी दिलेला शब्द पाळला, पण वेळ दिलीच नाही; ‘ते’ स्वप्न अधुरं! Video
अहिल्यानगरमधील कांदा व भुसार लिलाव स्थगित
अहिल्यानगर कृषी उत्पन्न बाजार समिती अंतर्गत असलेले भुसार विभाग, भाजीपाला विभाग, कडबा विभाग तसेच नेप्ती उपबाजारातील कांदा लिलाव गुरुवारी पूर्णपणे बंद राहणार असल्याची माहिती बाजार समिती प्रशासनाकडून देण्यात आली आहे.
नाशिक जिल्ह्यातील प्रमुख बाजार बंद
नाशिक जिल्ह्यातील पिंपळगाव बसवंत बाजार समितीच्या मुख्य उपबाजार आवारातील कांदा व धान्य लिलाव, तसेच विंचूर उपबाजारातील सर्व प्रकारच्या शेतीमालाचे लिलाव गुरुवारी होणार नाहीत. यामुळे नाशिक जिल्ह्यातील शेतकरी व व्यापाऱ्यांवर परिणाम होणार आहे.
जालन्यात भुसार, किराणा मार्केट बंद
जालना कृषी उत्पन्न बाजार समितीच्या आवारातील किराणा आणि भुसार मार्केटचे व्यवहार गुरुवारी बंद राहणार आहेत. याबाबत जालना आडतिया असोसिएशन व व्यापारी महासंघाने बाजार समितीला पत्र दिले आहे. त्यामुळे शेतकऱ्यांना शेतमाल विक्रीकरिता आणू नये, असे आवाहन बाजार समितीचे प्रशासक परमेश्वर वरखडे यांनी केले आहे.
शेतकऱ्यांना शेतीमाल न आणण्याचे आवाहन
गुरुवारी राज्यातील अनेक बाजार समित्यांमध्ये लिलाव प्रक्रिया स्थगित राहणार असल्याने शेतकऱ्यांनी आपला शेतीमाल विक्रीसाठी बाजारात आणू नये, अशा स्पष्ट सूचना संबंधित बाजार समिती प्रशासनाकडून करण्यात आल्या आहेत. पुढील निर्णय बाजार समितीमार्फत वेळोवेळी जाहीर करण्यात येणार असल्याचेही सांगण्यात आले आहे.