मुंबईसह उपनगरात 20 मार्चला अंशतः ढगाळ आकाश असू शकतं. तेथील कमाल तापमान 31 अंश सेल्सिअस तर किमान तापमान 23 अंश सेल्सिअस इतके असण्याची शक्यता आहे. मुंबईतील तापमानात आणखी अंशतः घट बघायला मिळत आहे. दोन दिवसांत तेथील तापमानात आणखी वाढ होण्याची शक्यता हवामान विभागानं वर्तवली आहे.
रंगांची उधळण अन् बैलगाडीतून मिरवणूक, सोलापुरात लोधी समाजाची अनोखी रंगपंचमी, Video
advertisement
पुण्यातील कमाल तापमान 37 अंश सेल्सिअस तर किमान तापमान 18 अंश सेल्सिअस इतके असण्याची शक्यता आहे. पुण्यातील तापमानात देखील अंशतः घट बघायला मिळत आहे. त्याठिकाणी 20 मार्चला सायंकाळनंतर अंशतः ढगाळ वातावरण निर्माण होण्याची शक्यता असल्याचं हवामान विभागानं सांगितलंय.
छत्रपती संभाजीनगरमधील कमाल तापमान 36 अंश सेल्सिअस तर किमान तापमान 23 अंश सेल्सिअस इतके असण्याची शक्यता आहे. छत्रपती संभाजी नगरमध्ये 20 मार्चला दुपारी किंवा संध्याकाळी ढगांच्या गडगडाटासह पाऊस पडण्याची शक्यता हवामान विभागानं वर्तवली आहे. छत्रपती संभाजीनगर धील तापमानात काहीशी घट झालेली दिसून येत आहे. मात्र पुढील काही दिवसांत त्यात आणखी वाढ होण्याची शक्यता आहे.
नाशिकमधील कमाल तापमान 35 अंश सेल्सिअस तर किमान तापमान 20 अंश सेल्सिअस इतके असण्याची शक्यता आहे. 20 मार्चला त्याठिकाणी दुपारी किंवा संध्याकाळी आकाश अंशतः ढगाळ असण्याची शक्यता आहे. नाशिकमधील तापमानात देखील अंशतः घट झालेली दिसून येत आहे. पुढील काही दिवसांत तापमानात वाढ होणार असल्याची माहिती हवामान विभागानं दिली आहे.
नागपूरमध्ये 20 मार्चला अंशतः ढगाळ आकाश राहून मेघगर्जना आणि विजांचा कडकडाट होण्याची शक्यता आहे. तेथील कमाल तापमान 38 अंश सेल्सिअस तर किमान तापमान 20 अंश सेल्सिअस इतके असण्याची शक्यता आहे. नागपूरमधील तापमानात अंशतः घट झालेली दिसून येत आहे. पुढील काही दिवसांत तेथील तापमानात आणखी घट होण्याची शक्यता हवामान विभागानं वर्तवली आहे.
राज्यातील तापमानात अंशतः घट झालेली पाहायला मिळत आहे. तर 20 मार्चला धुळे, नंदुरबार, जळगाव, छत्रपती संभाजीनगर, जालना, परभणी, हिंगोली आणि नांदेड या जिल्ह्यांत ढगांच्या गडगडाटासह हलक्या पावसाची शक्यता हवामान विभागानं वर्तवली आहे. उन्हाचा पारा आणि पावसाची शक्यता असल्यान नागरिकांनी आरोग्याची काळजी घेणे आवश्यक आहे.