TRENDING:
नागरिकांच्या सहभागातून निवड प्रक्रिया
शहरपक्षी निवडीसाठी महानगरपालिका व वन्यजीव पर्यावरण व संरक्षण संस्थेमध्ये एमओयू करण्यात आला होता. नागरिकांचा व्यापक सहभाग मिळावा यासाठी महापालिकेने विशेष ऑनलाइन पोर्टल उपलब्ध करून दिले. 18 ते 28 नोव्हेंबर 2025 या कालावधीत प्रक्रिया खुली ठेवण्यात आली. निकाल 30 नोव्हेंबरला जाहीर झाला.
Success Story: भेंडीने शेतकऱ्याला रातोरात केले मालामाल, पाऊण एकर शेतीतून दीड लाखांचे उत्पन्न
advertisement
या मतदानात एकूण 5445 मते नागरिकांनी दिली. त्यात तांबट पक्षाला सर्वाधिक 1414 मते मिळाली. त्यामुळे तो आता अमरावतीचा सिटी बर्ड म्हणून घोषित केलाय. तसेच मोठा कोतवाल 1032 मते, राखी शहामृग 998 मते, हुडहुडी 796 मते, छोटे घुबड 655 मते, शिकरा 551 मते मिळाली आहेत. तांबट पक्ष्याला मिळालेले जनसमर्थन बघता तो शहराच्या पर्यावरणीय ओळखीचे प्रतीक ठरला आहे.
शहरात तांबटची भव्य मूर्ती उभारणार
आयुक्त शर्मा चांडक यांनी सांगितले की, जैवविविधतेचे संरक्षण आणि पक्ष्यांविषयी जागरूकता वाढवणे हा या मोहिमेचा मुख्य हेतू आहे. नागरिकांमध्ये पर्यावरणीय अभिमान वाढावा म्हणून शहराच्या प्रमुख चौकात तांबटची भव्य मूर्ती उभारली जाईल. हा उपक्रम अमरावतीला हरित, पर्यावरणपूरक ओळख देईल.