Success Story: भेंडीने शेतकऱ्याला रातोरात केले मालामाल, पाऊण एकर शेतीतून दीड लाखांचे उत्पन्न

पेनूर गावात राहणाऱ्या अरविंद चौरे यांनी पाऊण एकारात अरविंद यांनी 60 दिवसांपूर्वी एडवंटा कंपनीच्या भेंडीचे बियाणे आणून  लागवड केली. भेंडीची लागवड करण्या अगोदर जमिनीची मशागत करून बेड तयार करून भेंडीची लागवड केली. शेतामध्ये शेणखत घालून भेंडीची लागवड केली. भेंडी वर कोणताही रोग पडू नये यासाठी अरविंद यांनी योग्य त्यावेळी योग्य ती औषधांची फवारणी करून भेंडीवर पडणाऱ्या रोगांपासून बचाव केला. पाऊण एकर मध्ये भेंडी लागवडीसाठी अरविंद चौरे यांना जवळपास 25 हजार रुपये पर्यंतचा खर्च आला आहे. तर सर्व खर्च आतापर्यंत भेंडी विक्रीतून दीड लाख रुपयाचे उत्पन्न मिळवला आहे.

तर शेतात भेंडीची तोंडी सुरू असून तोडणी संपेपर्यंत या भेंडी विक्रीतून अरविंद यांना दोन ते अडीच लाख रुपयाचा उत्पन्न मिळणार असल्याची माहिती अरविंद चौरे यांनी दिली. पेनुर गावातून अरविंद चौरे हे भेंडीची विक्री सोलापुरातील कृषी उत्पन्न बाजार समितीत विक्रीसाठी पाठवतात. सध्या भेंडीला 50 ते 60 रुपये किलो दराने बाजारात भाव मिळत असून एक दिवसाआड भेंडीची तोडणी करून विक्रीसाठी पाठवले जातात. आतापर्यंत भेंडीचे 10 तोडे झाले असुन 500 ते 600 किलो भेंडी अभिजितने बाजारात विक्रीसाठी पाठवला आहे. एकदा भेंडीची लागवड झाल्यास जवळपास दोन ते तीन महिने त्याचा तोडा सुरू असतो.

शेतकऱ्यांनी शेतीमध्ये पेरणी अगोदर पिकांची व येणाऱ्या खर्चाची माहिती घेऊन शेती केल्यास शेतीतून अधिकारीक उत्पन्न मिळेल असा सल्ला शेतकरी अरविंद चौरे यांनी दिला आहे.