TRENDING:
पुणे विभागाने दिलेल्या वेळापत्रकानुसार, 6 डिसेंबरला इंजिन रन घेतल्यानंतर 10 व 11 डिसेंबरला रेल्वे सुरक्षा आयुक्तांची (सीआरएस) तपासणी तसेच स्पीड चाचण्या होणार आहेत. या तपासण्यांमध्ये ट्रॅकची गुणवत्ता, गाडीचा वेग सहन करण्याची क्षमता, ब्रेकिंग आणि तांत्रिक सुरक्षितता या विविध घटकांची तपासणी करण्यात येईल. चाचण्यांचे निष्कर्ष सकारात्मक असल्यास या मार्गावर प्रवासी सेवा सुरू करण्यात येणार आहे.
advertisement
Beed News: बीड-गेवराई हायवेवर धक्कादायक प्रकार, तेलंगणाच्या महिलांची Ertiga रात्री अडवली अन्....
नागरिकांनो, काळजी घ्या!
दरम्यान, रेल्वे ट्रॅकजवळील गावांमधील नागरिक, शेतकरी आणि गुरेढोरे मालकांना चाचणीच्या दिवशी विशेष जागरूक राहण्याचे निर्देश देण्यात आले आहेत. ट्रॅकच्या परिसरात कोणत्याही प्रकारचे अतिक्रमण, भटकणारी जनावरे किंवा अनधिकृतरीत्या ट्रॅक ओलांडणे टाळावे, असे आवाहन करण्यात आले आहे. चाचण्यांदरम्यान वेगाने धावणाऱ्या इंजिनमुळे अपघाताचा धोका वाढू शकतो, याची जाणीव ठेवून नागरिकांनी ट्रॅकपासून सुरक्षित अंतर राखण्याची विनंती प्रशासनाकडून करण्यात आली आहे.
या वेळेत हाय-स्पीड रन
चाचण्यांसाठी सकाळी 10 ते संध्याकाळी 6 या वेळेत हाय-स्पीड रन आयोजित केले जाणार आहेत. त्यामुळे या काळात ट्रॅक परिसर संवेदनशील राहणार असून कोणतीही बेपर्वाई धोकादायक ठरू शकते, असे रेल्वे विभागाने नमूद केले आहे. तसेच, परिसरात कोणतेही अडथळे, जनावरे किंवा अनधिकृत हालचाली आढळल्यास त्वरित दूर करण्याचे आवाहन स्थानिक संस्थांना करण्यात आले आहे.
बीड–वडवणी रेल्वेमार्गाचा विकास हा मराठवाड्यातील प्रवासी वाहतुकीसाठी महत्त्वाचा टप्पा मानला जातो. चाचण्या सुरळीत पार पडल्यास या विभागाला प्रत्यक्ष रेल्वेसेवेचा लाभ मिळण्याच्या दृष्टीने मोठे पाऊल उचलले जाईल. त्यामुळे या प्रकल्पाच्या यशस्वीतेसाठी नागरिकांचे सहकार्य आवश्यक असल्याचे पुणे विभागाने स्पष्ट केले आहे.