73 वर्षाच्या आजोबांचा मृत्यू, पोलिसांना संशय, तपासातून पुढं आलं धक्कादायक कांड, परळीत खळबळ

बीड: परळी शहरात नातेसंबंधांनाच काळिमा फासणारी एक धक्कादायक घटना उघडकीस आली आहे. दारू पिण्यासाठी तसेच मोबाईलसाठी पैसे देण्यास नकार दिल्याच्या कारणावरून नातवाने आजोबांना अमानुष मारहाण केली. यात त्यांचा मृत्यू झाल्याची घटना शहरातील मिलिंदनगर भागात घडली. या प्रकरणामुळे संपूर्ण परिसरात संताप आणि हळहळ व्यक्त केली जात आहे. सुरुवातीला ही घटना नैसर्गिक अथवा आकस्मिक मृत्यू म्हणून नोंदवण्यात आली होती, मात्र पोलिसांच्या सखोल तपासात भयानक वास्तव समोर आले आहे.