गुपचूप वीज बिल वाढवतेय तुमची TV! 'या' 5 सेटिंग बदलताच होईल अर्ध

Smart TV: आजच्या स्मार्ट होममध्ये टीव्ही सर्वाधिक वापरल्या जाणाऱ्या डिव्हाइसमधून एक आहे. यावर आपण तासंतास सीरियल, रियलिटी शो, चित्रपट , गेमिंग असं सर्वच पाहत असतो. पण हे सर्व करताना टीव्ही किती वीज बिल खाते हेच आपल्याला कळत नाही. पण काही लहान-लहान सेटिंग बदलून तुम्ही टीव्हीच्या माध्यमातून येणारं वीज बिल हे कमी करु शकता.

ब्राइटनेस आणि बॅकलाइट कंट्रोल करा : टीव्हीची ब्राइटनेस आणि बॅकलाइट सर्वात जास्त वीज वापरतात. फॅक्टरी सेटिंग्ज अनेकदा या सेटिंग्ज खूप जास्त सेट करतात. टीव्हीच्या पिक्चर सेटिंग्जमध्ये जा आणि ब्राइटनेस आणि बॅकलाइट सेटिंग्ज 60-70% वर सेट करा. खोलीच्या प्रकाशानुसार त्या अॅडजस्ट करा. यामुळे केवळ ऊर्जा वाचणार नाही तर डोळ्यांचा ताण देखील कमी होईल.

पिक्चर मोड बदला (Standard किंवा Eco मोड): जास्तीत जास्त लोक नेहमी Vivid किंवा Dynamic Mode वर ठेवतात. ज्यामुळे जास्त वीज लागते. तुम्ही नेहमीच टीव्ही पाहत असाल तर Standard किंवा Eco Mode निवडा. Eco Mode ऑटोमॅटिकली ब्राइटनेस आणि पॉवर यूसेजला कंट्रोल करते. ज्यामुळे वीजेचा खर्च कमी होतोत.

Auto Power Off आणि Sleep Timer ऑन करा : कधीकधी आपण टीव्ही चालू असताना झोपी जातो किंवा रुममधून निघून जातो. अशा परिस्थितीत स्लीप टायमर आणि ऑटो पॉवर ऑफ अत्यंत उपयुक्त आहेत. सेटिंग्जमध्ये, 10–15 मिनिटे कोणत्याही हालचालीनंतर टीव्ही ऑटोमॅटिक बंद होण्यासाठी सेट करा. हे अनावश्यक वीज वाया जाण्यापासून रोखते.

स्टँडबाय मोड टाळा : टीव्ही बंद केल्यानंतरही प्लग इन राहिल्यास, तो स्टँडबाय पॉवर वापरत राहतो. हा वापर कमी वाटू शकतो परंतु त्याचा तुमच्या मासिक बिलावर परिणाम होतो. वापरात नसताना, पॉवर स्विचने टीव्ही पूर्णपणे बंद करा किंवा स्मार्ट पॉवर स्ट्रिप वापरा.

अनावश्यक फीचर्स आणि अॅप्स बंद ठेवा : Smart TV मध्ये Bluetooth, Wi-Fi Scan, Voice Assistant सारखे फीचर्स नेहमी ऑन राहतात. ज्यामुळे बॅकग्राउंडमध्ये वीज खर्च होत राहते. तुम्ही याचा वापर केला नाही तर सेटिंगमध्ये जाणून ते बंद करा. यामुळे टीव्ही जास्त एफिशिएंट पद्धतीने काम करेल.