18 वर्षांनंतर राहू-बुधची युती! 3 फेब्रुवारीपासून 'या' 3 राशींच्या लोकांना लागणार जॅकपॉट, मिळणार अफाट धनदौलत

Published by:Manasee Dhamanskar

Last Updated:Jan 31, 2026 12:11 PM IST

ज्योतिषशास्त्रामध्ये ग्रहांची युती मानवी जीवनावर खोलवर परिणाम करते. 3 फेब्रुवारी 2026 रोजी 'ग्रहांचा राजकुमार' बुध कुंभ राशीत प्रवेश करणार आहे. विशेष म्हणजे, कुंभ राशीत 'मायावी' ग्रह राहु आधीपासूनच विराजमान आहे.

Rahu-Budh Yuti : ज्योतिषशास्त्रामध्ये ग्रहांची युती मानवी जीवनावर खोलवर परिणाम करते. 3 फेब्रुवारी 2026 रोजी 'ग्रहांचा राजकुमार' बुध कुंभ राशीत प्रवेश करणार आहे. विशेष म्हणजे, कुंभ राशीत 'मायावी' ग्रह राहु आधीपासूनच विराजमान आहे. तब्बल 18 वर्षांनंतर कुंभ राशीमध्ये 'राहु-बुध' यांची ही दुर्मिळ युती होत आहे. राहु आणि बुध हे दोन्ही ग्रह तांत्रिक कौशल्य, बुद्धिमत्ता आणि कूटनीतीचे कारक मानले जातात. जेव्हा हे दोन ग्रह एकत्र येतात, तेव्हा काही राशींसाठी हा काळ 'गोल्डन टाईम' ठरू शकतो. विशेषतः मेष, वृषभ आणि कुंभ राशीच्या जातकांसाठी फेब्रुवारी महिना प्रगतीची नवी दारे उघडणारा ठरेल.

राहु-बुध युतीचा अर्थ आणि प्रभाव

ज्योतिषशास्त्रानुसार, बुध हा बुद्धी, व्यापार, गणित आणि संवादाचा कारक आहे, तर राहु हा अचानक मिळणारा लाभ, तंत्रज्ञान आणि धाडसी निर्णयांचा कारक आहे. कुंभ राशीत ही युती झाल्यामुळे समाजात तांत्रिक क्रांती, नवीन स्टार्टअप्स आणि डिजिटल माध्यमांमध्ये मोठी वाढ दिसून येईल. ज्या लोकांच्या कुंडलीत बुध आणि राहु शुभ स्थितीत आहेत, त्यांना या काळात आपली बुद्धिमत्ता आणि चातुर्य वापरून कमी कष्टात मोठे यश मिळवता येईल. मात्र, राहु हा भ्रमाचाही कारक असल्याने गुंतवणूक करताना सावधानता बाळगणे आवश्यक आहे.

'या' 3 राशींना होणार अफाट धनलाभ

मेष

मेष राशीसाठी ही युती 11 व्या स्थानावर होत आहे. उत्पन्नाचे नवीन स्रोत निर्माण होतील. नोकरी करणाऱ्यांना पदोन्नती किंवा नवीन नोकरीच्या चांगल्या संधी मिळतील. शेअर बाजार किंवा जुन्या गुंतवणुकीतून अनपेक्षित धनलाभ होण्याची शक्यता आहे. सामाजिक प्रतिष्ठा वाढेल आणि मोठ्या व्यक्तींच्या ओळखीचा फायदा होईल.

वृषभ

वृषभ राशीच्या जातकांसाठी ही युती 10 व्या स्थानावर होत आहे. करिअरमध्ये मोठी झेप घेण्याची हीच वेळ आहे. जे लोक तंत्रज्ञान, माध्यम किंवा मार्केटिंग क्षेत्रात आहेत, त्यांना विशेष यश मिळेल. प्रलंबित असलेली कामे मार्गी लागतील आणि वडिलांकडून किंवा वडिलोपार्जित संपत्तीतून आर्थिक लाभ होण्याची शक्यता आहे.

कुंभ

कुंभ राशीतच ही युती होत असल्याने या राशीच्या लोकांसाठी हा काळ क्रांतिकारी ठरेल. तुमचा आत्मविश्वास शिखरावर असेल. नवीन व्यवसाय सुरू करण्यासाठी हा सर्वोत्तम काळ आहे. समाजातील तुमची ओळख वाढेल. अचानक धनप्राप्तीचे योग आहेत. अविवाहितांचे विवाह जमण्याचे संकेत मिळतील आणि वैयक्तिक आयुष्यात सकारात्मक बदल घडतील.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Jan 31, 2026 12:11 PM IST

18 वर्षांनंतर राहू-बुधची युती! 3 फेब्रुवारीपासून 'या' 3 राशींच्या लोकांना लागणार जॅकपॉट, मिळणार अफाट धनदौलत