बदलत्या हवामानामुळे पिकांवर रोगराईचा धोका? वेळीच घ्या अशी काळजी, कृषी तज्ज्ञांचा सल्ला

बीड : हिवाळा ऋतूमध्ये पिकांवरील रोगराईचे प्रमाण लक्षणीयरीत्या वाढलेले दिसून येते. यामागे हवामानाशी संबंधित अनेक महत्त्वाची कारणे जबाबदार आहेत. या काळात तापमान मध्यम ते कमी राहते, तसेच पहाटे दव पडण्याचे प्रमाण वाढते. दवामुळे पिकांच्या पानांवर दीर्घकाळ ओलावा टिकून राहतो, जो विविध रोगकारक जिवाणू आणि बुरशींसाठी अत्यंत पोषक वातावरण निर्माण करतो. त्यामुळे शेतकऱ्यांना पिकांचे आरोग्य सांभाळणे आव्हानात्मक ठरते, अशी माहिती बीड जिल्ह्यातील कृषी अभ्यासक महादेव बिक्कड यांनी दिली.