दिवाळीआधी मोठी कारवाई, छ. संभाजीनगरात भेसळ कांड, तब्बल 180 किलो खवा अन् मिठाई जप्त

‎वेदांतनगर पोलिसांनी पंचवटी चौकातील ट्रॅव्हल्स पार्किंगमध्ये केलेल्या कारवाईत 180 किलो वजनाचे सहा पोते सापडले, ज्यात खवा व मिठाई साठवण्यात आलेली होती. हा साठा गुजरातमधील अहमदाबाद येथून आणला गेला होता आणि तो चाळीसगाव, धुळे व सिल्लोड येथे विक्रीसाठी पाठवण्यात येणार होता. ही माहिती मिळताच अन्न व औषध सुरक्षा विभागाच्या अधिकाऱ्यांना घटनास्थळी बोलावण्यात आले. त्यांनी साठ्याचे नमुने गोळा करून प्रयोगशाळेत तपासणीसाठी पाठवले आहेत.

आईनं पै-पै करून घर घेतलं, पोटच्या लेकानं तिलाच हाकललं..., छ. संभाजीनगरात असा झाला न्याय!

‎अन्न सुरक्षा अधिकारी सुलक्षणा जाधवर यांनी नागरिकांना आवाहन केले आहे की, खवा किंवा मिठाईमध्ये भेसळीचा संशय आल्यास foscos.fssai.gov.in या पोर्टलवर तक्रार नोंदवावी. पोलिसांनी दिलेल्या माहितीनुसार, ट्रॅव्हल्स चालकाने खवा 150 रुपये प्रति किलो दराने खरेदी केला होता आणि तो 300 रुपये प्रति किलो दराने विकण्याचा प्रयत्न करत होता. या प्रकरणी संबंधित चालक, विक्रेते, मालक व खरेदीदार यांच्यावर कायदेशीर कारवाई करण्यात येणार आहे.