TRENDING:
गुरुवारी (दि. 1) खुलताबाद येथील जुने बसस्थानक परिसरातून आदिल अचानक बेपत्ता झाला होता. कुटुंबीयांनी सर्वत्र शोध घेतला; मात्र तो आढळून न आल्याने रविवारी (दि. 4) अखेर पोलिस ठाण्यात तक्रार दाखल करण्यात आली. तक्रार प्राप्त होताच पोलिस निरीक्षक धनंजय फराटे यांच्या मार्गदर्शनाखाली तपासाला वेग देण्यात आला.
प्रियकर की हैवान, प्रेयसीला वेगवेगळ्या ठिकाणी नेलं, Video काढले अन्..., भिवंडीतील संतापजनक प्रकार
advertisement
सीसीटीव्ही फुटेज आणि तांत्रिक विश्लेषणाच्या आधारे पोलिसांनी तपासाची दिशा निश्चित केली. तपासादरम्यान संबंधित फकीर आणि महिलेनं मुलाला कन्नडमार्गे चाळीसगाव येथील उरुसात नेल्याचे उघड झाले. या माहितीच्या आधारे कन्नड पोलिसांनी संशयित दोघांना ताब्यात घेतले. चौकशीत मुलगा चाळीसगावमध्ये असल्याची खात्री झाल्यानंतर खुलताबाद पोलिसांचे पथक तातडीने चाळीसगावकडे रवाना झाले. तेथे पोलिसांनी मुलाला सुखरूप ताब्यात घेऊन पुढील कायदेशीर प्रक्रिया पूर्ण केली. त्यानंतर आदिलला त्याच्या पालकांच्या स्वाधीन करण्यात आले.
दरम्यान, ही संपूर्ण कारवाई बीट जमादार जाकेर शेख, सिद्धार्थ सदावर्ते, किशोर गवळी आणि फिरोज पठाण यांनी यशस्वीरीत्या पार पाडली. या उल्लेखनीय कामगिरीबद्दल खुलताबादचे नगराध्यक्ष आमेर पटेल यांनी सायंकाळी सहा वाजता पोलिस निरीक्षक धनंजय फराटे व त्यांच्या पथकाचा विशेष सत्कार केला. या प्रकरणी दानिश अय्युब शहा यांनी दिलेल्या फिर्यादीवरून संबंधित फकीर आणि महिलेविरोधात गुन्हा दाखल करण्याची प्रक्रिया रात्री उशिरापर्यंत सुरू होती.