TRENDING:
उमर अनवर बेमरोट (10), साद अनवर बेमरोट (7) हे सख्खे भाऊ आणि सरफराज सलीम देहेंगल (9, तिघे रा. नानेगाव) अशी मृत मुलांची नावे आहेत. सरफराज देहेंगल हा गावातील जिल्हा परिषद शाळेत तिसरीत शिकत होता, तर उमर बेमरोट चौथीचा विद्यार्थी होता. साद बेमरोट हा पांगरी येथील खासगी इंग्रजी शाळेत पहिलीमध्ये शिक्षण घेत होता. शिक्षण घेणाऱ्या या तिघा चिमुकल्यांचे आयुष्य इतक्या लहान वयात संपल्याने गावावर शोककळा पसरली आहे.
advertisement
सगळ्यांना हसवणारा अरुण सोडून गेला, घरात आढळला रीलस्टारचा मृतदेह, छ.संभाजीनगर हळहळलं
सोमवारी दुपारी सुमारे 2 वाजता ग्रामपंचायतीचा एक कर्मचारी गावाला पाणीपुरवठा करण्यासाठी तलावावर मोटारपंप सुरू करण्यासाठी गेला असता त्याच्या नजरेस तलावाच्या काठावर मुलांचे कपडे दिसले. संशय आल्याने त्याने तात्काळ ही माहिती गावात दिली. ही बातमी समजताच पालक आणि ग्रामस्थ धावतच तलावाकडे पोहोचले. काही गावकऱ्यांनी आणि गोताखोरांनी तलावात उड्या घेत मुलांचा शोध घेण्यास सुरुवात केली. बराच वेळ शोध घेतल्यानंतर सोमवारी सायंकाळी सुमारे ७ वाजता तिन्ही मुलांचे मृतदेह तलावातून बाहेर काढण्यात आले.
दरम्यान, या घटनेमुळे मृत मुलांच्या कुटुंबीयांवर दुःखाचा डोंगर कोसळला असून गावात सर्वत्र शोककळा पसरली आहे. शोकाकुल वातावरणात सोमवारी रात्री सुमारे 11 वाजता गावातील कब्रस्तानमध्ये तिघांवर दफनविधी करण्यात आला.
नेमके काय घडले?
नाथषष्ठीमुळे सोमवारी शाळेला सुटी असल्याने हे तिघेही तलावावर आंघोळ करण्यासाठी गेले होते. तलावात आंघोळ करताना ते तिघेही नकळत पाण्याच्या खोल भागाकडे गेले. पाण्याचा अंदाज न आल्याने ते पाण्यात बुडाले. बराच वेळ झाला तरी मुले घरी न आल्याने त्यांच्या पालकांनी शोध सुरू केला; मात्र त्यांचा काहीच मागमूस लागत नव्हता. दरम्यान ग्रामपंचायतीचा कर्मचारी पाणीपुरवठ्यासाठी मोटारपंप सुरू करण्यासाठी तलावावर गेला असता त्याला तलावाच्या काठावर मुलांचे कपडे दिसून आले आणि या भीषण दुर्घटनेचा उलगडा झाला.