TRENDING:
मछलीपट्टणम–अजमेर (07274) ही विशेष रेल्वे रविवारी, 21 डिसेंबर रोजी मछलीपट्टणम येथून सुटणार असून ती सोमवारी, 22 डिसेंबर रोजी सकाळी 9.30 वाजता छत्रपती संभाजीनगर स्थानकात दाखल होईल. पुढे ही गाडी मनमाड, भुसावळ, भोपाळ आणि चित्तोडगड मार्गे प्रवास करत मंगळवारी, 23 डिसेंबर रोजी दुपारी 3.30 वाजता अजमेर येथे पोहोचणार आहे. परतीच्या प्रवासासाठी अजमेर–मछलीपट्टणम (07275) ही विशेष गाडी सोमवार, 28 डिसेंबर रोजी सकाळी 8.30 वाजता अजमेरहून रवाना होईल. ही गाडी मंगळवारी, 29 डिसेंबर रोजी दुपारी 12.30 वाजता छत्रपती संभाजीनगर स्थानकावर येणार आहे.
advertisement
कोकण रेल्वेचा मोठा निर्णय, गोवा, मध्य प्रदेशसह ‘या’ मार्गावर विशेष ट्रेन, पाहा वेळापत्रक
दक्षिण मध्य रेल्वेने मराठवाड्यातील भाविकांसाठी सोयीचा विचार करून छत्रपती संभाजीनगर आणि मनमाड मार्गाचा समावेश केला आहे. या विशेष गाडीला नांदेड, पूर्णा, परभणी, जालना, लासूर, रोटेगाव, नगरसोल आदी महत्त्वपूर्ण थांबे देण्यात आले आहेत. यामुळे ख्वाजा गरीब नवाज यांच्या उरुसासाठी जाणाऱ्या सर्वसामान्य भाविकांचा प्रवास सुलभ होणार आहे. याव्यतिरिक्त हैदराबाद-हिस्सार रेल्वेदेखील छत्रपती संभाजीनगर येथून रविवारी रात्री 1.30 वाजता अजमेरमार्गे जाते, जो एक पर्यायी मार्ग उपलब्ध आहे.