मिळालेल्या माहितीनुसार, डोंबिवलीच्या एका सोसायटीत संचालर पदाची निवडणुकीत सूरू होती. या निवडणुकी दरम्यान मोठा राडा झाला होता. सदस्यांनी एकमेकांवर हल्ला चढवला होता. या राड्याचा व्हिडिओ देखील समोर आला आहे.
advertisement
डोंबिवलीच्या खोणी तळोजा रोडवरील ऑर्चिड को-ऑपरेटिव्ह सोसायटीत आज रविवारी संचालक पदाची निवडणूक सूरू होती. या निवडणुकीसाठी मतदान सूरू असताना अचानक बोगस मतदानाचा संशय आला.यातूनच सभासदांनी एकमेकांना मारहाण केल्याची घटना घडली आहे. या राड्याचा व्हिडिओ व्हायरल होत आहे.
या व्हायरल व्हिडिओत एक चार पाच लोकांना स्टेजवर जाण्यापासून रोखताना दिसत आहे.या दरम्यानच सफेद कुर्ता घातलेला एक तरूण थेट स्टेजवर चढून एका व्यक्तीला मारहाण करत खाली आणतो.त्यानंतर तो पिडीत व्यक्ती पळताना दिसतो.या दरम्यान पोलिस समोर असताना देखील एक व्यक्ती त्यांच्यावर हल्ला करताना दिसला आहे.त्यानंतर पीडित व्यक्ती पोलिसांच्या ताब्यात असताना देखील त्याला मारहाणीची घटना घडते.
दरम्यान पोलिसांनी यावेळी संबंधितांना ताब्यात घेऊन गुन्हा दाखल करण्याची प्रक्रिया सूरू आहे.या घटनेने डोंबिवलीत खळबळ माजली आहे.