TRENDING:
डिझेल संपल्याने ट्रेलर जागीच थांबला
चाळीसगाव तालुक्यातील खरजई रेल्वे फाटका जवळून सोमवारी सायंकाळच्या वेळी माल वाहतूक ट्रेलर जात होता. रेल्वे फाटक क्रॉस करताना अचानक त्या ट्रेलरमधील डिझेल संपले. त्यामुळे तो जागीच अडकला. त्यानंतर 20 मिनिट तेथील दोन्ही बाजूकडील रेल्वे आणि रस्ते वाहतूक खोळंबली होती. रेल्वे गेटमनने प्रसंगावधान राखून या घटनेची माहिती कंट्रोल रूमला दिली.
advertisement
कुत्र्यापासून बचाव करताना तरुण पडला विहिरीत, 3 दिवसांनी मिळाली मदत, नेमकं काय घडलं? Video
20 मिनिटानंतर वाहतूक पूर्ववत
गेटमनने माहिती दिल्यानंतर, अप आणि डाऊन मार्गावरील येणाऱ्या सर्व रेल्वे गाड्या आहे त्याच ठिकाणी थांबवण्यात आल्या. त्यानंतर ट्रेलरमध्ये डिझेल टाकण्यात आले आणि तो तेथून बाजूला करण्यात आला. तब्बल 20 मिनिटानंतर रेल्वे गाड्यांची वाहतून पूर्ववत झाली.
वाहतूक ठप्प झाल्याने वाहनांच्या रांगा
घडलेल्या या सर्व प्रकारामुळे चाळीसगावहून तरवाडे, गुढे, बहाळ या गावांकडे जाणारी वाहतूकही ठप्प झाली होती. त्यामुळे दोन्ही बाजूने वाहनांच्या रांगा लागल्या होत्या.