नागपूर : शिवाजी सायन्स कॉलेज, नागपूरने भूगर्भशास्त्र विभागात इंटरॲक्टिव्ह रॉक म्युझियम सुरू केले आहे. याठिकाणी खडक 'टॉकिंग रॉक' या अनोख्या स्मार्टफोन ॲप्लिकेशनद्वारे हे खडक बोलतील. कॉलेजच्या म्हणण्यानुसार, शहरातील कोणत्याही कॉलेजमध्ये अशा प्रकारचा हा पहिलाच प्रकल्प आहे.
बीएस्सी आणि बीसीएच्या विद्यार्थ्यांनी विकसित केलेले ॲप्लिकेशन स्मार्टफोनमध्ये वापरता येते. रॉक नमुन्यांसोबत जोडलेले QR कोड स्कॅन करण्याची परवानगी देते. स्कॅन केल्यावर, ॲप खडकांबद्दल सर्वसमावेशक माहिती प्रदान करते, यामुळे ते वापरकर्त्यांशी संवाद साधत आहेत असे दिसते.
advertisement
10 पैकी 8 जण त्रस्त, तुमच्या मुलांनाही Vitamin D चा त्रास नाही ना, ही आहेत सुरुवातीची लक्षणे
शिवाजी विज्ञान महाविद्यालयाचे प्राचार्य एम. पी. ढोरे हे म्हणाले की, "असे प्रकल्प शैक्षणिक अनुभव वाढवतात आणि विद्यार्थ्यांमध्ये सर्जनशीलता वाढवतात. सोबतच 2000 हून अधिक खडकांचे नमुने प्रदर्शनात आहेत. 100 पेक्षा जास्त नमुने QR कोडसह टॅग केले आहेत. 'टॉकिंग रॉक'ची संकल्पना आणि विकास पेटंट जर्नल ऑफ इंडियामध्ये प्रकाशित करण्यात आली होता आणि हा प्रकल्प लाँच होण्यापूर्वी अर्जाची नोंदणी भारतीय कॉपीराइट संरक्षणासाठी करण्यात आली आहे.
हा उपक्रम युनेस्कोच्या उद्दिष्टांशी संरेखीत आहे. तसेच शिक्षण, वैज्ञानिक संशोधन आणि सांस्कृतिक जतन यांना चालना देतो. हे संग्रहालय भूगर्भशास्त्र विभाग आणि शिवाजी सायन्स इनोव्हेशन अँड इनक्युबेशन सेंटर, नागपूर यांच्या सहकार्याने तयार केले आहे.
नवरा कामानिमित्त राहायचा घराबाहेर, बायको कायम घरी बॉयफ्रेंडला बोलवायची, शेवटी सत्य समोर आलं अन्…
या प्रकल्पाला भूगर्भशास्त्र विभागाचे प्रमुख महेश फाळके आणि पुष्पा झामरकर आणि अपूर्वा फुलाडी, भूगर्भशास्त्राचे सहाय्यक प्राध्यापक यांचे मोलाचे योगदान मिळाले. त्यांनी प्रत्येक खडकाच्या नमुन्यासाठी माहितीची अचूकता सुनिश्चित केली. दरम्यान, शिवाजी एज्युकेशन सोसायटी अमरावतीचे अध्यक्ष हर्षवर्धन देशमुख, कार्यकारिणी सदस्य हेमंत काळमेघ यांच्यासह सोसायटीच्या इतर पदाधिकाऱ्यांनी या प्रकल्पाचे कौतुक केले आहे.