फसवणूक झालेल्या कर्मचाऱ्याच्या तक्रारीवरून मालेगाव कॅम्प पोलीस स्थानकात अपूर्व हिरेसह इतरांवर गुन्हा दाखल करण्यात आला आहे. स्वतःच्या संस्थेतील शिक्षकांची दिशाभूल करून शिक्षकांच्या नावे काढलेल्या कर्ज रकमेची स्वतः च्या खात्यावर वर्ग करून लाखो रुपयाचा अपहार केल्याचा आरोप शिक्षकांनी केला आहे.
संबंधित कर्ज विविध कर्मचाऱ्यांच्या नावाने घेण्यात आल्याचे दाखविण्यात आले आहे. प्रत्यक्षात मात्र हे कर्ज हिरे कुटुंबीयांनी स्वतःसाठी घेतले असल्याचा दावा शिक्षक पवार यांनी केला आहे. त्यामध्ये कर्मचाऱ्यांच्या नावे कर्ज घेऊन त्यांची फसवणूक केल्याचा गंभीर प्रकार उघड झाल्याचा दावा आहे.
advertisement
दरम्यान, अपूर्व हिरे यांनी सर्व आरोप फेटाळले असून मी उद्या सकाळी भारतीय जनता पक्षामध्ये प्रवेश करणार आहे. त्यामुळे माझ्याविरोधात विरोधकांचे कारस्थान आहे. माझ्या भाजप प्रवेशाच्या भीतीपोटी हे कट कारस्थान रचले गेले आहे. विरोधकांच्या पायाखालची वाळू सरकली आहे, असे सांगत या तक्रारीत कुठलेही तथ्य नसल्याचे अपूर्व हिरे यांचे म्हणणे आहे.
कर्मचाऱ्यांनी केलेल्या तक्रारीनुसार, त्यांच्या माहितीशिवाय त्यांच्या नावावर कर्ज काढण्यात आले आणि ती रक्कम वैयक्तिक खात्यांमध्ये वळवण्यात आली. या मोठ्या आर्थिक गैरव्यवहाराची सखोल चौकशी व्हावी अशी मागणी जोर धरत आहे.