शासनाकडून शेतकऱ्यांसाठी 'महाविस्तार एआय' अॅप सुरू, कोणते फायदे मिळणार?

सोलापूर : बदलत्या हवामान परिस्थिती, बाजारातील चढउतार आणि माहितीच्या अभावामुळे शेतकऱ्यांना अनेक अडचणींना सामोरे जावे लागते. या समस्या सोडवण्यासाठी कृषी विभागाने तंत्रज्ञानाच्या मदतीने एक नवा उपक्रम हाती घेतला आहे. शेतकऱ्यांसाठी तयार करण्यात आलेले अत्याधुनिक ‘महाविस्तार एआय’ (Mahavistar AI) हे अॅप आता शेतकऱ्यांच्या डिजिटल सहाय्यकाच्या भूमिकेत दिसणार आहे. कृत्रिम बुद्धिमत्तेवर आधारित हे अॅप शेतकऱ्यांना शेतीशी संबंधित सर्व माहिती, सल्ला आणि सेवा एका ठिकाणी उपलब्ध करून देणार आहे.