Pune Traffic: पुणेकरांसाठी महत्त्वाची बातमी! चाकण ते आकुर्डी वाहतुकीत मोठे बदल, पर्यायी मार्ग

पुणे : पुण्यातील औद्योगिक क्षेत्र म्हणून ओळखल्या जाणाऱ्या पिंपरी-चिंचवड आणि चाकण परिसरात वाहतूक कोंडी हा मोठा आणि कायमस्वरूपी प्रश्न बनला आहे. या समस्येवर उपाययोजना व्हाव्यात, यासाठी नागरिकांनी यापूर्वी अनेक वेळा आंदोलन करून प्रशासनाचे लक्ष वेधले. तरीसुद्धा वाहतूक कोंडीचा प्रश्न अद्याप सुटलेला नाही. या पार्श्वभूमीवर ट्रॅफिकमुक्त चाकण कृती समितीतर्फे आज, 9 ऑक्टोबरला, चाकण येथून आकुर्डीतील पीएमआरडीए कार्यालयाकडे पायी मोर्चाचे आयोजन करण्यात आले आहे. या मोर्चादरम्यान वाहतूक कोंडी होऊ नये म्हणून प्रशासनाकडून सकाळी 9 ते दुपारी 2 या वेळेत मोर्चा मार्गावरील वाहतूक पर्यायी मार्गाने वळविण्यात येणार आहे.