गेल्या आठवड्यात पंचवटीतील फुलेनगर परिसरात सागर जाधव नावाच्या तरुणावर गोळीबार करण्यात आला होता. या गोळीबारात सागर गंभीर जखमी झाला होता. सागर जाधवला दोन गोळ्या लागल्या होत्या. या गोळीबार प्रकरणी पोलिसांनी तपास करत भाजपचे माजी नगरसेवक जगदीश पाटील यांना अटक केली आहे. विशेष म्हणजे, काही दिवसांपूर्वीच राहुल धोत्रे हत्याकांड प्रकरणी भाजपचे आणखी एक माजी नगरसेवक उद्धव निमसे यांनाही अटक करण्यात आली होती.
advertisement
नाशिकमध्ये एकापाठोपाठ एक भाजपच्या दोन माजी नगरसेवकांवर झालेल्या या कारवाईमुळे राजकीय वर्तुळात अनेक तर्कवितर्क लावले जात आहेत. दोन वेगवेगळ्या प्रकरणात भाजपच्या दोन माजी नगरसेवकांना अटक झाल्याने पक्षाची प्रतिमा डागाळली असल्याची चर्चा सुरू आहे.
विशेष म्हणजे भाजप नेते आणि मंत्री गिरीश महाजन नाशिक दौऱ्यावर असतानाच ही कारवाई करण्यात आली आहे. त्यामुळे त्याकडेही अनेकांचे लक्ष वेधले गेले आहे. या प्रकरणाचा अधिक तपास पोलीस करत आहेत.