'मातोश्री'वर आज होत असलेली राज ठाकरे यांची भेट ही कौटुंबिक स्नेह भेट असल्याचे सांगण्यात येत आहे. राज ठाकरे हे आपल्या आईंसोबत मातोश्रीवर दाखल झाले आहेत. ठाकरे कुटुंबाची आज स्नेह भोजनासाठी भेट होत असली तरी राजकीय अर्थ देखील काढण्यात येत आहे.
advertisement
राज ठाकरे काय म्हणाले?
उद्धव ठाकरे यांचे निवासस्थान असलेल्या 'मातोश्री'त जाण्याआधी राज ठाकरे यांनी माध्यमांना प्रतिक्रिया दिली. राज ठाकरे यांनी आई सोबत आहे असे म्हणत राजकीय भेट असल्याच्या चर्चांना पूर्णविराम लावला. राज ठाकरे यांच्या मातोश्री या उद्धव ठाकरे यांच्या मावशी आणि काकू देखील आहेत. गणेशोत्सवानंतरही उद्धव ठाकरे हे अचानकपणे राज ठाकरे यांच्या शिवतीर्थ निवासस्थानी दाखल झाले होते. त्यावेळी देखील उद्धव यांची भेट ही कौटुंबिक असल्याची माहिती देण्यात आली. गणेशोत्सवाच्या काळात राज यांच्या आईंनी उद्धव यांना पुन्हा घरी येण्यास सांगितले होते. मावशींच्या सुचनेवरून उद्धव हे शिवतीर्थावर गेल्याची माहिती समोर आली.
सविस्तर बातमी थोड्याच वेळात...
>> ठाकरे बंधूंच्या भेटीगाठींचा सिलसिला
> 5 जुलै 2025
मराठी विजयी मेळावा, 2 दशकानंतर ठाकरे बंधू एकत्र
> 27 जुलै 2025
मातोश्री- उद्धव ठाकरेंच्या वाढदिवसानिमित्त राज ठाकरेंनी 'मातोश्री'वर जाऊन शुभेच्छा दिल्या
> 27 ऑगस्ट 2025
शिवतीर्थ निवासस्थान, गणेशोत्सवानिमित्त उद्धव ठाकरे सहकुटुंब 'शिवतीर्थ'वर
> 10 सप्टेंबर 2025
शिवतीर्थ निवासस्थान, उद्धव ठाकरे हे राज ठाकरे यांच्या भेटीला, कौटुंबिक भेट झाल्याची माहिती.
> 5 ऑक्टोबर 2025
राज ठाकरे-शर्मिला ठाकरे मातोश्रीवर दाखल, ठाकरे बंधूंमध्ये 40 मिनिटे चर्चा... कौटुंबिक भेट असल्याची माहिती..