TRENDING:
या नव्या विमान सेवेमुळे सोलापूरहून हैदराबादला जाणाऱ्या प्रवाशांचा प्रवास अधिक जलद आणि सोयीस्कर होणार आहे. सोलापूरहून उड्डाण घेतल्यानंतर अवघ्या 55 मिनिटांत विमान हैदराबाद विमानतळावर पोहोचणार आहे.
हवाई उड्डाणाचे वेळापत्रक
नियोजित वेळापत्रकानुसार फ्लाय 91 चे विमान दुपारी 1:45 वाजता गोव्याहून उड्डाण घेऊन सुमारे 3 वाजता सोलापूर विमानतळावर येईल. येथे 20 ते 25 मिनिटांचा थांबा घेतल्यानंतर तेच विमान दुपारी 4:25 वाजता हैदराबाद येथे लँड होईल.
advertisement
अल्प विश्रांतीनंतर विमान पुन्हा सोलापूरमार्गे गोव्याकडे रवाना होणार आहे. हैदराबादहून निघाल्यानंतर सायंकाळी 5:50 वाजता विमान सोलापूरला पोहोचेल आणि 6:10 वाजता गोव्याकडे उड्डाण घेऊन सुमारे 7 वाजता गोवा येथे पोहोचेल.
तिकीट बुकिंग कधी?
दरम्यान, या सेवेसाठी तिकीट बुकिंगबाबत उत्सुकता वाढली आहे. 2 एप्रिलपासून बुकिंग सुरू होणार असल्याची चर्चा होती, मात्र अधिकृत संकेतस्थळावर अद्याप प्रक्रिया सुरू झालेली नाही. कंपनीच्या अधिकाऱ्यांनुसार 3 किंवा 4 एप्रिलपासून बुकिंग सुरू होण्याची शक्यता आहे.