TRENDING:
पोलिसांनी दिलेल्या माहितीनुसार, तब्बसूम आणि नदीम यांचे गेल्या पाच ते सात वर्षांपासून प्रेमसंबंध होते. नदीम हा पूर्वीपासून गुन्हेगारी पार्श्वभूमी असलेला आरोपी असून तो बराच काळ तब्बसूमच्या घरीच राहत होता. दरम्यान काही दिवसांपूर्वी नदीमचा शिफा शेख हिच्याशी संपर्क वाढल्याची माहिती तब्बसूमला मिळाली. ही बाब कळताच तब्बसूमने शिफाच्या घरी जाऊन तिला नदीमपासून दूर राहण्याचा इशारा दिला होता. अन्यथा गंभीर परिणाम भोगावे लागतील, अशी धमकीही दिल्याचे तपासात स्पष्ट झाले आहे.
advertisement
‘तो’ काळ बनून आला, पण चिमुकलीनं डेअरिंग केलं, नराधमाच्या तावडीतून मैत्रिणीला वाचवलं, कसं?
या घटनेनंतर शिफाच्या कुटुंबीयांना परिस्थितीची कल्पना आल्यानंतर त्यांनी सुमारे तीन महिन्यांपूर्वी तिला गावी पाठवले होते. मात्र काही दिवसांनी शिफा पुन्हा गोवंडीतील कमलारामणनगर परिसरात राहण्यासाठी आली होती. घटनेच्या दिवशी दुपारच्या सुमारास नदीम तब्बसूमच्या घरी असल्याची माहिती शिफाला मिळाली. त्यानंतर ती तेथे गेली असता तब्बसूम आणि शिफा यांच्यात जोरदार वाद झाला.
या वादातून संतापाच्या भरात तब्बसूमने नदीमच्या देशी बनावटीच्या कट्ट्याने शिफावर गोळी झाडली. गोळी लागल्याने शिफाचा जागीच मृत्यू झाला. त्यानंतर तब्बसूमने नदीम, तिचा भाऊ साजीद आणि कलाम यांच्या मदतीने मृतदेहाची विल्हेवाट लावण्याचा प्रयत्न केला, असेही तपासात उघड झाले आहे.
घटनेची माहिती मिळताच शिवाजीनगर पोलिसांनी तत्काळ कारवाई करत चौघांनाही अटक केली. न्यायालयाने आरोपींना 18 फेब्रुवारीपर्यंत पोलिस कोठडी सुनावली असून पुढील तपास सुरू आहे.