दोन मित्रांचा व्हिडीओ सोशल मीडियावर व्हायरल
माजी नगरसेवक संतोष बारसे आणि सुनील राखुंडे यांचा अज्ञातांनी केलेल्या गोळीबारात मृत्यू झाला आहे. दरम्यान, या घनटेपूर्वीचा एक व्हिडीओ आता समोर आला आहे. या व्हिडिओत सुनील राखुंडे यांच्या वाढदिवसानिमित्त संतोष बारसे यांनी तेरे जैसा यार कहा हे गीत गाऊन आपल्या घट्ट मैत्रीचा प्रत्यय दिला होता. काल या दोघांचीही हत्या झाली होती. त्यानंतर समाज माध्यमांवर हा व्हिडिओ व्हायरल होत असून हळहळ व्यक्त केली जात आहे.
advertisement
भुसावळ शहर आज स्वयंघोषित बंद
भुसावळ शहरात काल झालेल्या दुहेरी हत्याकांडामुळे प्रचंड खळबळ उडाली असून दरम्यान आज भुसावळ व्यावसायिकांनी स्वयंघोषित बंद पाळला आहे. या बंदमुळे भुसावळ शहरातील मुख्य बाजारपेठेत शुकशुकाट पाहायला मिळत असून बाजारपेठेतील मोठी उलाढाल देखील ठप्प झाली आहे.
वाचा - कोल्हापुरात भरदिवसा धाडसी चोरी! तब्बल 12 तोळे सोनं लंपास; कसं फोडलं घर? PHOTOS
कशी घडली घटना?
मिळालेल्या प्राथमिक माहितीनुसार, माजी नगरसेवक संतोष बारसे आणि सुनील राखुंडे हे दोघेही कारमधून जात होते. यावेळी पाठलाग करत मारेकरी मागून आले आणि त्यांनी या दोघांवरही बंदुकीतून गोळीबार केला. मारेकऱ्यांनी त्यांच्यावर 10 ते 15 राऊंड फायर केल्याची माहिती आहे. या हल्ल्यात संतोष बारसे आणि सुनील राखुंडे यांचा मृत्यू झाला. या घटनेची माहिती मिळताच पोलिसांनी तत्काळ घटनास्थळ गाठले आणि दोघांचे मृतदेह रात्रीच पोलीस बंदोबस्तात जिल्हा रुग्णालयात दाखल झाले. जिल्हा रुग्णालयात रात्री तीन वाजेपर्यंत प्रचंड गर्दी होती.