Aajache Rashibhavishya: संकटाचे डोंगर ढासळणार, नशीब तुमच्या बाजूनं कौल देणार, आजचं राशीभविष्य

मेष: व्यवसायात अनुकूल स्थिती राहील. नवीन प्रयोग करून पाहिले जातील. मालाची विक्री चांगली होईल. हाती पैसा खेळता राहील. मात्र, मोठी गुंतवणूक जपून करा. जवळच्या प्रवासाचा योग येईल. भावंडांच्या भेटीगाठी होतील. मौजमजा करण्यासाठी वेळ मिळेल.

वृषभ: तुमच्यावर धनलक्ष्मीची कृपा राहील. हाती घेतलेले कार्य यशस्वीपणे पूर्ण कराल. वडिलोपार्जित संपत्तीची कामे होतील. आवडत्या भोजनाचा आस्वाद घेता येईल. नोकरीत चांगली परिस्थिती राहील. व्यवसायात दमदारपणे वाटचाल सुरू राहील.

मिथुन: मनात प्रसन्न विचार राहतील. अनेक अडचणी दूर होतील. त्यामुळे तुम्हाला हलके-हलके वाटेल. जीवनसाथीशी सूर जुळतील. विवाहेच्छूंसाठी अनुकूल काळ आहे. चांगल्या स्थळांचे प्रस्ताव समोर येतील. वडीलधाऱ्या मंडळींचा आशीर्वाद मिळेल.

कर्क: मनात आध्यात्मिक विचार राहतील. त्यामुळे तुमच्या हातून दानधर्म केला जाईल. काहींना तीर्थयात्रा करण्याचे योग येतील. खर्चाचे प्रमाण वाढते राहील. भेटवस्तू प्राप्त होतील. कायद्याची बंधने पाळा. महत्त्वाची कामे करताना काही अडचणी येतील.

सिंह: अतिशय अनुकूल ग्रहमानाचा अनुभव येईल. हाती घ्याल ते सिद्धीस न्याल, अशी परिस्थिती राहील. मित्र-मैत्रिणींची भेट होईल. नवीन ओळखी होतील. तुमच्यावर धनलक्ष्मी प्रसन्न राहील. भेटवस्तू व विविध प्रकारचे लाभ होतील.

कन्या: कार्यक्षेत्रात तुमचे वर्चस्व प्रस्थापित करण्यात यश मिळेल. आर्थिक लाभाचे प्रमाण चांगले राहील. सोयी-सुविधा वाढवून मिळतील. नवीन नोकरीच्या शोधात असलेल्यांना मनासारखी नोकरी मिळेल. घरात कार्यक्रमाचे आयोजन केले जाईल.

तूळ: नशिबाचा कौल तुमच्या बाजूने राहील. नवीन लोकांच्या ओळखी होतील. त्यातून तुमचा फायदा होईल. एखाद्या समारंभात सहभागी व्हाल. समाजात तुमचा मान वाढेल. पर्यटनाच्या माध्यमातून फिरणे होईल. एखादी चांगली बातमी कळेल.

वृश्चिक: अचानक धनलाभ होऊ शकतो. एखादे लॉटरीचे तिकीट घेऊन पाहा. जीवनसाथीची साथ राहील. वाहनाच्या वेगावर नियंत्रण ठेवा. इतरांना मदत करण्याच्या नादात आपली कामे मागे पडणार नाहीत, याची काळजी घ्या. दगदग करू नका.

धनू: अनेक अडचणी दूर झाल्यामुळे तुम्हाला हलके हलके वाटेल. आवडते छंद जोपासण्यासाठी वेळ देता येईल. व्यवसायात अनुकूल परिस्थिती राहील. जीवनसाथीशी सूर जुळतील. प्रेमात असणाऱ्यांना अपेक्षित प्रतिसाद मिळेल.

मकर: आरोग्याची काळजी घ्या. साधा व हलका आहार घ्या. तुमच्याशी गोड बोलून तुमची पाठ वळताच कारवाया करणाऱ्या लोकांपासून सावध राहा. महत्त्वाच्या कामात अडथळा येऊ शकतो. घाईघाईत कामे उरकण्याचा प्रयत्न करू नका. स्पर्धा परीक्षा देणाऱ्यांना चांगला काळ आहे.

कुंभ: कानावर चांगल्या बातम्या पडतील. मुलांच्या प्रगतीसाठी अनुकूल वातावरण राहील. जवळच्या प्रवासाचा योग येईल. महत्त्वाची कामे होतील. प्रेमात असणाऱ्यांना अनुकूल काळ आहे.

मीन: नोकरीत तुमचे पारडे जड राहील. प्रगतीसाठी पूरक वातावरण राहील. नवनवीन संधी मिळतील. सोयी-सुविधा मिळतील. घरात मंगल कार्याचे आयोजन केले जाईल. त्यानिमित्ताने लोकांची ये-जा चालू राहील. थोरामोठ्यांच्या सहवासात याल.

टीपः हे नावाच्या पहिल्या अक्षरावरून येणारे सर्वसामान्य राशिभविष्य आहे. अधिक सखोल माहिती मिळवण्यासाठी आपल्या जवळच्या ज्योतिषांशी संपर्क साधावा.