घडयाळ आणि आरसा ठरवतं तुमचं नशीब, चुकीच्या दिशेला लावलात तर होऊ शकत नुकसान; वाचा नियम!

घरात सुख-समृद्धी आणि सकारात्मक ऊर्जा टिकवून ठेवण्यासाठी वास्तुशास्त्रामध्ये प्रत्येक वस्तूच्या स्थानाला विशेष महत्त्व दिले आहे. आरसा आणि घड्याळ या घरातील दोन अतिशय सामान्य पण शक्तिशाली वस्तू आहेत, ज्या योग्य दिशेने लावल्यास घरात आनंद आणि प्रगती येते, तर चुकीच्या दिशेने लावल्यास वास्तु दोष निर्माण होऊ शकतो.

वास्तु तज्ज्ञांच्या मते, आरसा हा ऊर्जेचे परावर्तन करतो, तर घड्याळ वेळेचे प्रतीक असून ते घरातील गती आणि प्रगती दर्शवते. त्यामुळे, त्यांना योग्य जागी लावण्याचे नियम जाणून घेणे महत्त्वाचे आहे.

आरशाची शुभ दिशा: घरात आरसा नेहमी उत्तर किंवा पूर्व दिशेच्या भिंतीवर लावावा. या दिशा सकारात्मक ऊर्जा आणि समृद्धीला घरात आकर्षित करतात.

आरसा लावण्याची अशुभ ठिकाणे: आरसा कधीही दक्षिण किंवा नैऋत्य दिशेच्या भिंतीवर लावू नका. यामुळे नकारात्मक ऊर्जा वाढते. तसेच, बेडरूममध्ये पलंगासमोर आरसा लावणे टाळावे, यामुळे वैवाहिक जीवनात तणाव निर्माण होतो.

घड्याळाची शुभ दिशा: घड्याळ नेहमी उत्तर, पूर्व किंवा पश्चिम दिशेच्या भिंतीवर लावावे. या दिशेने लावलेले घड्याळ घरात शुभ ऊर्जा आणि प्रगतीची गती आणते.

घड्याळ लावण्याची अशुभ ठिकाणे: घड्याळ कधीही दक्षिण दिशेच्या भिंतीवर लावू नका. वास्तुशास्त्रानुसार दक्षिण दिशा यमाची मानली जाते आणि ही दिशा स्थिरता आणि थांबण्याचे प्रतीक आहे, ज्यामुळे घरातील प्रगती थांबते.

दारासमोर घड्याळ/आरसा नको: घराच्या मुख्य प्रवेशद्वाराच्या अगदी समोर किंवा दारातून थेट दिसणाऱ्या ठिकाणी घड्याळ किंवा आरसा लावू नका. यामुळे घरात येणारी सकारात्मक ऊर्जा त्वरित परावर्तित होऊन बाहेर जाते.

घड्याळ आणि आरसा यांची स्थिती: घड्याळ नेहमी चालू आणि अचूक वेळेनुसार असावे. बंद पडलेले किंवा तुटलेले घड्याळ घरात नकारात्मकता वाढवते. तसेच, आरसा नेहमी स्वच्छ आणि अखंड असावा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)