Mahashivratri 2025: 149 वर्षांनी महाशिवरात्रीला दुर्मीळ योगायोग! महादेव या राशींवर मेहरबान, सुखाचा वर्षाव

ज्योतिष तज्ज्ञांच्या मते, यावर्षी महाशिवरात्रीला एक अत्यंत दुर्मिळ योगायोग घडत आहे. या दिवशी ग्रहांची स्थिती खूप वेगळी असणार आहे. संपत्तीचा कारक शुक्र त्याच्या उच्च राशी मीन राशीत राहील, ज्यामुळे मालव्य राजयोगाची निर्मिती होत आहे. यासोबतच, मीन राशीत शुक्र राहूसोबत युती करत आहे. याशिवाय, सूर्य आणि शनीची युती कुंभ राशीत होत आहे. पिता आणि मुलाच्या युतीमुळे अनेक राशींना फायदा होईल. याशिवाय, बुध देखील कुंभ राशीत आहे.

या तिन्ही ग्रहांच्या युतीमुळे त्रिग्रही योग निर्माण होत आहे, सूर्य आणि बुध यांच्या युतीमुळे बुधादित्य योग निर्माण होत आहे आणि शनि त्याच्या मूळ त्रिकोण राशीत असल्याने शशराज योग निर्माण होत आहे. असा योगायोग 1873 मध्ये घडला होता आणि सुमारे 149 वर्षांनी 2025 मध्ये घडणार आहे. याशिवाय, या दिवशी शिवासोबत सर्वार्थ सिद्धी योग देखील तयार होत आहे.

सिंह - या राशीत, मालव्य राजयोग, त्रिग्रही आणि बुधादित्य योग खूप फायदेशीर ठरू शकतात. या राशीत सातव्या घरात त्रिग्रही योग आणि आठव्या घरात मालव्य राजयोग निर्माण होत आहे. अशा परिस्थितीत, या राशीचे लोक प्रत्येक क्षेत्रात अपार यश मिळवू शकतात. समाजात आदर वाढू शकतो. सोशल मीडिया, कला, चित्रपट, टेलिव्हिजन, मीडिया, बँकिंग, विमा, महसूल इत्यादी क्षेत्रांशी संबंधित लोकांना मोठे फायदे मिळू शकतात.

सिंह - कुटुंबासोबत तुमचा वेळ चांगला जाईल. नोकरी आणि व्यवसायात तुम्हाला मोठे यश मिळू शकेल. कामाच्या ठिकाणी तुमच्या कामाद्वारे तुम्ही तुमच्या वरिष्ठांचे लक्ष वेधून घेऊ शकता. तुमच्या कष्टाचे चीज होईल, पदोन्नतीसोबतच पगारातही लक्षणीय वाढ दिसून येते. जीवनात आनंद आणि शांती असेल.

मेष - या राशीत, सूर्य, बुध आणि शनि अकराव्या घरात असतील. यासोबतच, शुक्र बाराव्या घरात राहील. अशा परिस्थितीत, महाशिवरात्रीचा दिवस या राशींसाठी प्रगतीसोबतच अनेक संधी घेऊन येऊ शकतो. कामाच्या ठिकाणी तुमच्या कामाचे कौतुक होईल. तुमचे उत्कृष्ट काम पाहून तुम्हाला वरिष्ठ अधिकाऱ्यांकडून पूर्ण सहकार्य मिळू शकते.

मेष - महाशिवरात्री ही अविवाहित लोकांसाठी खूप चांगली ठरेल. अविवाहितांना लग्नाचे प्रस्ताव येऊ शकतात. वैवाहिक जीवनात किंवा प्रेम जीवनात सुरू असलेल्या समस्याही दूर होऊ शकतात. तुमच्या जोडीदारासोबतचे नाते अधिक दृढ होईल. तसेच आत्मविश्वास वाढेल. आरोग्यही चांगले राहील.

मिथुन - या राशीच्या लोकांसाठी महाशिवरात्रीचा दिवस खूप चांगला राहणार आहे. या राशीच्या दहाव्या घरात शुक्र ग्रह असेल आणि नवव्या घरात सूर्य, बुध आणि शनी ग्रह असतील. या राशीचे लोक प्रत्येक क्षेत्रात अपार यश मिळवू शकतात. बऱ्याच काळापासून प्रलंबित असलेले काम पूर्ण होऊ शकते. यासोबतच, संपत्ती आणि समृद्धीमध्ये जलद वाढ होऊ शकते.

मिथुन - प्रेमाच्या बाबतीत, या राशीच्या लोकांसाठी महाशिवरात्री खूप खास असेल. अविवाहितांना लग्नाचे प्रस्ताव येऊ शकतात. यासोबतच, तुम्हाला परदेशात करिअरसाठी अनेक उत्तम ऑफर मिळू शकतात. व्यावसायिक जीवन खूप चांगले जाणार आहे. यासोबतच तुम्हाला कामाच्या ठिकाणी चांगले फायदे मिळू शकतात. तुम्हाला प्रोत्साहन आणि इतर कोणतेही फायदे मिळू शकतात. व्यवसायातही तुम्हाला मोठा नफा मिळू शकतो.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)