उन्हाळ्यात कारचं इंजिन ओव्हरहीट होतंय? ही आहेत कारणं, असा करा बचाव

Car Engine Overheating: देशभरात उष्णता वाढायला लागली आहे. या वातावरणात आपल्याला उष्णतेचा प्रचंड त्रास होत असतो. पण हे फक्त आपल्यापुरते मर्यादित नाही. या काळात आपण चालवत असणाऱ्या वाहनांनाही प्रॉब्लम येत असतो. याच कारणामुळे आपल्या स्वतःसोबतच वाहनांकचीही काळजी घेणे गरजेचे आहे. कारण या उष्णतेमुळे इंजिन खुप ओव्हरहिट होते.

भीषण उष्णतेमुळे इंजिन खुप जास्त गरम होते. तुम्ही वेळेवर लक्ष दिले नाही तर हे इंजिनला पूर्णपणे नुकसान पोहोचवू शकते. याचा तुमच्या खिशावरही परिणाम होऊ शकतो. चला पाहूया इंजिन गरम का होते आणि त्यापासून बचाव कसा करावा.

इंजिन जास्त गरम का होते? : गाडीचे इंजिन चालू असते, तेव्हा खूप उष्णता निर्माण होते. जी कूलिंग सिस्टीमद्वारे कंट्रोल केली जाते. उन्हाळ्यात, तापमान अनेकदा 40°C हून जास्त असते. यामुळे इंजिनमधून उष्णता निर्माण होते आणि बाहेरचे तापमानही जास्त असते. बाहेरील तीव्र उष्णतेमुळे कूलिंग सिस्टीमवर प्रेशर येते. ज्यामुळे ते इंजिनला योग्यरित्या थंड करू शकत नाही. यामुळे इंजिन जास्त गरम होते.

इंजन गरम होण्याची मुख्य कारणं : इंजिन गरम झाल्याची काही प्रमुख कारणं आहेत. याचं एक कारण म्हणजेच कूलेंट कमी असेल तर इंजिन ओव्हरहीट होऊ शकते. रेडिएटर खराब असेल किंवा ब्लॉक असेल तरीही इंजिन ओव्हरहीट करु शकते. याच प्रकारे कारचे कूलिंग फॅन खराब असतील तरीही इंजिन जास्त गरम होऊ शकते. इंजिन ऑइल जास्त जुनं असेल किंवा कमी असेल तरीही इंजिन गरम होऊ शकते. आता पाहूया इंजिन गरम होऊ नये म्हणून काय करावं.

कूलेंट लेव्हल चेक करा, रेडिएटरची स्वच्छता करा : कूलेंट इंजिनची उष्णता शोषून ते गार ठेवते. इंजिन गार ठेवण्यासाठी हे खुप महत्त्वाचे असते. वेळो-वेळी किंवा मोठ्या प्रवासाला जाण्यापूर्वी कूलेंट टँक अवश्य चेक करा. कूलेंट कमी असेल तर ते रिफिल करा. यासह रेडिएटरची स्वच्छता करा. रेडिएटरच्या जाळीमध्ये धूळ-माती किंवा किडे अडकतात. ज्यामुळे हवाचा मार्ग बंद होतो. हे स्वच्छ ठेवा. सोबतच रेडिएटरच्या पाइप्समध्ये लिकेज तर नाही हे चेक करा.

इंजिन ऑइलकडे लक्ष द्या : कारमध्ये इंजिन ऑइलकडे लक्ष द्या. हे विविध पार्ट्सला लुब्रिकेट करते. यासोबतच उष्णता कमी करण्यातही मदत करतात. इंजिन ऑइल जुने किंवा घट्ट झाले असले तर ते लगेच बदला. सोबतच वेळोवेळी इंजिन ऑइल चेक करत राहा आणि कंपनीद्वारे सांगितलेला योग्य ग्रेडचा ऑइलच वापरा.

यासोबतच कारच्या डॅशबोर्डवर तयार तापमान मीटर (टेम्परेचर गेज) पाहत राहा. हे इंजिनचे तापमान दाखवते. इंजिन खुप गरम होत असेल तर ते गार करण्यासाठी कार थोडा वेळ उभी करा. यासह तुम्ही दीर्घकाळापासून ट्रॅफिक सिग्निलवर अडकले असाल तर इंजिनला स्टार्ट ठेवू नका. ते बंद करा. ज्यामुळे इंजिन गार राहील.