वडिलांनंतर वर्षभरात आईनेही घेतला जगाचा निरोप, 50 व्या वर्षी सिंगल असलेल्या अक्षय खन्नाच्या कुटुंबात आता कोण कोण?

बॉलिवूड अभिनेता अक्षय खन्ना सध्या चर्चेत आहे. अक्षय खन्नाची 'धुरंधर' ही फिल्म बॉक्स ऑफिसवर दणदणीत कमाई करत आहे. त्याने साकारलेल्या रहमान डकैतचं जगभरात कौतुक होत आहे. 2025 हे वर्ष अक्षय खन्नासाठी जबरदस्त ठरलं आहे. वर्षाच्या सुरुवातीला त्याचा 'छावा' आला. तर वर्षाच्या शेवटी 'धुरंधर' गाजतोय. गेल्या तीन दशकांपासून इंडस्ट्रीत सक्रीय असणाऱ्या अक्षय खन्नाचे वडील दिवंगत विनोद खन्ना हे प्रसिद्ध अभिनेते होते.

अक्षय खन्नाचे आजोबा किशनचंद खन्ना यांचा कपड्यांचा व्यवसाय होता. तर आजी कमला खन्ना या गृहिणी होत्या. अक्षय खन्नाचे वडील विनोद खन्ना यांना एकूण पाच भाऊ-बहिणी होते.

अक्षय खन्नाचे वडील विनोद खन्ना यांच्या एका भावाचं नाव प्रमोद खन्ना. तसेच त्यांनी तीन बहिणी होत्या. प्रमोद खन्नादेखील सिनेसृष्टीशीही संबंधित आहेत. विनोद खन्ना यांच्या निधनानंतर त्यांनी 'दबंग 3'मध्ये त्यांची भूमिका साकारली होती.

विनोद खन्ना यांनी 1971 मध्ये गीतांजलीसोबत लग्न केलं. विनोद खन्ना आणि गीतांजली खन्ना यांना राहुल खन्ना आणि अक्षय खन्ना ही दोन मुलं आहेत. दोघेही अभिनयक्षेत्रात सक्रीय आहेत.

विनोद खन्ना इंडस्ट्रीतील टॉप स्टार होते. करिअर पीकवर असताना त्यांनी इंडस्ट्रीला रामराम करत संन्यास घेतला. 1982 मध्ये ते ओशोमध्ये गेले.

विनोद खन्ना यांनी ओशोमध्ये जाऊन संन्यास घेतल्याचा त्यांच्या कुटुंबियांना मोठा धक्का बसला. 1985 मध्ये विनोद खन्ना आणि गिंताजली यांच्या घटस्फोट झाला.

विनोद खन्ना यांनी पुन्हा एकदा कमबॅक केलं आणि सर्वसाधारण आयुष्य जगायला सुरुवात केली. त्यानंतर त्यांच्या आयुष्यात कविताची एन्ट्री झाली. विनोद खन्ना यांनी 1990 मध्ये कवितासोबत दुसरं लग्न केलं. विनोद आणि कविता यांना साक्षी आणि श्रद्धा या दोन मुली आहेत.

अक्षय खन्नाच्या चुलत भावाचं नाव राहुल खन्ना आहे. विनोद खन्ना यांचे 2017 मध्ये तर 2018 मध्ये गीतांजली खन्ना यांचे निधन झाले.