आमची Baby! दीड वर्षांपूर्वीच आईबाबा झालेत अंकिता-विक्की; पहिल्यांदाच लेकीला सगळ्यांसमोर आणलं

अभिनेत्री अंकिता लोखंडे आणि तिचा नवरा विक्की जैन दोघंही सोशल मीडियावर सतत अॅक्टिव्ह असतात. शिवाय वेगवेगळ्या शोमध्येही ते दिसतात. या कपलच्या लग्नाला 4 वर्षे उलटून गेली आहे. हे कपल आता गूड न्यूज कधी देणार याची प्रतीक्षा त्यांच्या चाहत्यांना आहे. कित्येक वेळा अंकिताच्या प्रेग्नन्सीची चर्चाही सोशल मीडियावर रंगली आहे.

दरम्यान आता अंकिता आणि विक्कीने पहिल्यांदाचा एका रिअ‍ॅलिटी शोमध्ये त्यांच्या बेबीला आणलं आहे. दीड वर्षांपूर्वीच दोघं आईबाबा बनले होते. सप्टेंबर 2024 मध्येच त्यांनी गूड न्यूज दिली होती.

अंकिता आणि विक्की सध्या लाइफ्टर शेफ या सेलिब्रिटी कुकिंग रिअ‍ॅलिटी शोमध्ये दिसत आहेत. इथंच त्यांनी त्यांच्या लाडक्या लेकीला आणलं.

अंकिता लोखंडेने सोशल मीडियावर याबाबतची पोस्टही केली होती. ती म्हणाली, एक खास एपिसोड येतो आहे. आमची छोटी माऊ नॅशनल टीव्हीवर डेब्यू करत आहे. स्क्रिनवर काय होतं आहे, हे तिला समजत नाही पण आम्हाला माहिती आहे. आमचं हृदय भरून आलं आहे. आमच्या बेबीला तुमच्यासमोर आणताना खूप अभिमान, आनंद वाटतो आहे. माझी माऊ माझी.

अंकिता आणि विक्कीची ही बेबी किंवा लेक म्हणजे एक मांजर आहे. 2024 मध्ये त्यांनी तिला दत्तक घेऊन आपल्या घरी आणलं. तिने त्याचा व्हिडीओही पोस्ट केला होता. "आमची लीटल प्रिन्सेस कुटुंबात स्वागत आहे", असं कॅप्शन तिने पोस्टमध्ये दिलं होतं. तिने घरातील या नव्या सदस्याचं नाव माऊ लोखंडे जैन असं सांगितलं होतं.

अंकिता माऊसाठी खास पोस्ट केली होती. ती म्हणाली होती. तू आमच्या कुटुंबातील नवीन सदस्य आहेस. मम्मी आणि डॅडी तुझ्यावर खूप प्रेम करतात. तुझं नाजूक म्याँव आणि मिठीने आमचं हृदय चोरलं आहे. तुझी छोटी पावलांनी आमच्या आयुष्यात आनंद आणि उत्साह आणला आहे.

पालक झाल्याचा अभिमान वाटतो आहे. असं म्हणत अंकिताने मांजरीला आमची स्वीट मुलगी, असं म्हटलं होतं.