बॉलिवूडने चोरल्या साऊथच्या हिट फिल्म्स, बॉक्स ऑफिसवर ठरल्या ब्लॉकबस्टर, चौथ्या सिनेमाचा तुम्ही विचारही केला नसेल

मुंबई: भारतात वेगवेगळ्या भाषा बोलल्या जातात, तसेच भिन्न-भिन्न संस्कृतींचे पालन केले जाते. यामुळेच येथील कलाविश्वात वेगवेगळे आशय आणि कथांवर आधारित सिनेमे, नाटक तयार केले जातात. इतकंच नाही, तर बरेचदा इतर भाषेतील सिनेमे भाषांतरित केले जातात किंवा त्याच्या मूळ कथेवर आधारित नवा सिनेमा दुसऱ्या भाषेत तयार केले जातात.

अनेक दशकांपासून बॉलिवूड आणि साऊथ इंडियन इंडस्ट्रीमध्ये अशाप्रकारची देवाणघेवाण सुरू आहे. साऊथ सिनेमांमध्ये जबरदस्त ॲक्शन, दमदार कथा आणि प्रभावी व्यक्तिरेखांचा अनोखा संगम पाहिला जातो. हे सिनेमे प्रेक्षकांना एका वेगळ्याच विश्वात घेऊन जातात.

याच कथांना हिंदीत आणून अनेक चित्रपटांनी बॉक्स ऑफिसवर गल्ला जमवला. आज आपण अशाच काही गाजलेल्या हिंदी रीमेक्सबद्दल जाणून घेऊया, जे आजही प्रेक्षकांचे फेव्हरेट आहेत.

दृश्यम (Drishyam, २०१५) - ओरिजिनल चित्रपट: जीतू जोसेफ यांचा मल्याळम भाषेतील 'दृश्यम' (Drishyam, २०१३).

अजय देवगणची मुख्य भूमिका असलेल्या या सस्पेन्स थ्रिलरने बॉक्स ऑफिसवर धुमाकूळ घातला. आपल्या कुटुंबाला वाचवण्यासाठी पोलिसांना चकमा देणाऱ्या एका साध्या पित्याची ही कहाणी प्रेक्षकांना खिळवून ठेवणारी होती. याचा दुसरा भाग 'दृश्यम २' देखील तितकाच यशस्वी ठरला.

राउडी राठौर (Rowdy Rathore, २०१२) - ओरिजिनल चित्रपट: एस.एस. राजामौली यांचा तेलुगु भाषेतील 'विक्रमारकुडु' (Vikramarkudu, २००६).

ओरिजिनल सिनेमामध्ये रवी तेजा आणि हिंदीत अक्षय कुमार यांनी दुहेरी भूमिका साकारली होती. ॲक्शन आणि जबरदस्त ॲक्शनने भरलेल्या या चित्रपटाने अक्षयच्या करिअरला कलाटणी मिळवून दिली.

वॉन्टेड (Wanted, २००९) - ओरिजिनल चित्रपट: तेलुगुमधील 'पोकीरी' (Pokiri, २००६).

प्रभुदेवा दिग्दर्शित या ॲक्शन-ड्रामा चित्रपटाने सलमान खानच्या करिअरला नवे वळण दिले आणि त्याला अल्टीमेट ॲक्शन हिरो म्हणून ओळख मिळवून दिली. अंडरकव्हर पोलीस ऑफिसरची ही कथा आजही हिट आहे.

नायक: द रियल हीरो (Nayak: The Real Hero, २००१) - ओरिजिनल चित्रपट: तमिळमधील 'मुधलवन' (Mudhalvan, १९९९).

दोन्ही चित्रपटांचे दिग्दर्शक एस. शंकर हेच होते. अनिल कपूरची मुख्य भूमिका असलेल्या या चित्रपटाची कथा एका पत्रकाराभोवती फिरते, जो एक दिवसाचा मुख्यमंत्री बनतो आणि भ्रष्टाचाराविरोधात लढा देतो. या चित्रपटाचा संदेश आजही तितकाच ताजा आहे.

सन ऑफ सरदार (Son of Sardaar, २०१२) - ओरिजिनल चित्रपट: एस.एस. राजामौली यांचा तेलुगु भाषेतील 'मर्यादा रामन्ना' (Maryada Ramanna, २०१०).

अश्विनी धीर दिग्दर्शित या हिंदी रीमेकमध्ये अजय देवगण आणि सोनाक्षी सिन्हा होते. पंजाबी संस्कृतीचा मेळ, कॉमेडी आणि ड्रामाचा समावेश करून याला मजेदार देसी टच दिला गेला, जो खूप गाजला.