Marathi Movie Collection : 3 दिवसांत 'दशावतर'चं बजेट वसूल, 'आरपार'- 'बिन लग्नाची गोष्ट'ने किती कमावले?

12 सप्टेंबर रोजी रिलीज झालेल्या तीन मराठी सिनेमांपैकी 'दशावतार' या सिनेमानं चांगलीच बाजी मारली आहे. सिनेमानं बॉक्स ऑफिसवर तगडी कमाई केली आहे.

'दशावतार' सिनेमानं अवघ्या 3 दिवसात बजेट वसूल केलं. दशावतारने 3 दिवसात 5 कोटींची कमाई केली आहे.

'दशावतार'ने तर 5 कोटी कमावले पण त्याच्याबरोबर रिलीज झालेल्या 'आरपार' आणि 'बिन लग्नाची गोष्ट' या सिनेमांनी किती कमावले पाहूयात.

हृता दुर्गुळे आणि ललित प्रभाकर यांचा 'आरपार' हा सिनेमा प्रेक्षकांच्या पसंतीस उतरत आहे. तरुण मंडळी हा सिनेमा पाहण्यासाठी गर्दी करत आहेत.

sacnilkच्या रिपोर्टनुसार,'आरपार'ने रिलीजच्या पहिल्या दिवशी सिनेमानं 12 लाख, दुसऱ्या दिवशी 19 लाख, तिसऱ्या दिवशी 7 लाखांची कमाई केली. सिनेमाचं कलेक्शन हे आता 67 लाख इतकं झालं आहे.

तर उमेश कामत आणि प्रिया बापट यांची 'बिन लग्नाची गोष्ट' बॉक्स ऑफिसवर मागे पडल्याचं दिसतंय. सिनेमानं पहिल्या दिवशी 8 लाख, दुसऱ्या दिवशी 18 लाख, तिसऱ्या दिवशी 27 लाखांची कमाई केली. सिनेमाचं भारतातील आतापर्यंतच कलेक्शन हे 61 लाख रुपये झालं आहे.

तिनही सिनेमे एकाच दिवशी रिलीज करण्यात आले. पण या सगळ्यात 'दशावतार' सिनेमानं बाजी मारली आहे. येत्या आठवड्यात 'आरपार' हा सिनेमा देखील 1 कोटी क्रॉस करेल अशी शक्यता वर्तवण्यात आली आहे.