Pune Navale Bridge Accident : 2 वर्षांपूर्वी लग्न, 3 महिन्यांचं बाळ… नवले पूल अपघातात मराठी अभिनेत्याचं आयुष्य संपलं

पुण्यातील नवले ब्रीजवर झालेल्या भीषण अपघाताने सर्वांना हादरवून सोडलं. या दुर्घटनेत 30 वर्षांचा मराठी अभिनेता धनंजय कोळीचा मृत्यू झाला आहे. त्याच्या मृत्यूने त्याच्या कुटुंबावर दु:खाचा डोंगर कोसळला आहे.

गुरुवारी झालेल्या या भीषण धडकेत मोठ्या वाहनांच्यामध्ये धनंजयची छोटी कार अडकली. कारचा चक्काचूर झाला आणि त्यातच त्याचा मृत्यू झाल्याची माहिती समोर आली.

अभिनेता धनंजय कोळीच्या अपघाती मृत्यूपश्चात त्याची तीन महिन्यांची मुलगी, बायको आणि आई वडील असं कुटुंब आहे. धनंजयचं लग्नाला फक्त 2 वर्षं झाली होती. संसार आत्ताच सुरू झाला होता. स्वप्नं रुजत होती. पण नशीबाचे फासे फिरले आणि धनंजय तीन महिन्याच्या लेकीला सोडून कायमचा निघून गेला.

तीन महिन्यांपूर्वीच तो बाबा झाला होता. छोट्या बाळाचं हास्य, पहिलं बाळंतपण, पहिलं बाबा म्हणणं… सगळं अनुभवायचं बाकी होतं. अपघात झाला त्यावेळी धनंजयची पत्नी आणि तीन महिन्याचा मुलगा लातूरमध्ये होते.

धनंजय मूळचा कोल्हापूर जिल्ह्यातील जयसिंगपूरचा होता. गेल्या काही काळापासून पुण्यात आई-वडिलांकडे यायचा. अपघाताच्या दिवशीही तो आई-वडिलांकडे येत होता तेव्हा रस्त्यात त्याचा अपघात झाला.

धनंजयचं इन्स्टाग्राम चेक केल् त्याने स्वतः ची ओळख एक्टर अशी दिली आहे. काही नाटकं, काही लहान भूमिका त्याने केल्याचं दिसतंय.

अभिनयासोबत त्याने 6 महिन्यांपूर्वी वाहतूक व्यवसाय सुरू केला होता. कुटुंबाला हातभार लावण्यासाठी, बाळाच्या भविष्यासाठी तो अनेक कामं एकटाच सांभाळत होता.