'नॅशलन क्रश'चा मेसेज पण Xचा पासवर्ड विसरली, गिरीजा ओकने सांगितला व्हायरल झाल्यानंतरचा अफलातून किस्सा

अभिनेत्री गिरीजा ओक ही मागील काही दिवसांपासून खूप चर्चेत आली आहे. एका मुलाखती दरम्यान तिने नेसलेली निळी साडी आणि तिने सांगितलेला एक किस्सा सोशल मीडियावर प्रचंड व्हायरल झाला.

गिरिजा एका रात्रीत नॅशनल क्रश झाली. संपूर्ण देशाने तिला डोक्यावर घेतलं. अनेक अमराठी लोकांना ती माहिती झाली. लोक तिचं काम पाहू लागले.

एका रात्रीत गिरीजा ओक नॅशनल क्रश होत असताना दुसरीकडे मात्र तिला यातलं काहीही माहिती नव्हतं. इतकंच काय तर ट्विटर लॉग इन करण्यासाठी तिला पासवर्डही आठवत नव्हता. आपण नॅशनल क्रश झालो आहोत आणि सोशल मीडियावर आपल्यासंबंधी काहीतरी घडतंय हे पहिल्यांदा गिरिजाला कळलं तेव्हा नेमकं काय झालं हे गिरिजाने एका मुलाखतीत सांगितलं.

विषय खोलशी बोलताना गिरीजा म्हणाली, "हे जे काही गेल्या काही दिवसांत सुरू आहे. 9 नोव्हेंबरला संध्याकाळच्या सुमारास माझा फोन वाजला. मला सगळ्यात आधी मेसेज गुलशन देवैयाचा आला. तो म्हणाला, 'तुझे पता हैं क्या चल रहा आहे'. मला काही माहिती नव्हतं कारण मी एक्स वर एक्टिंव्ह नाहीये."

"दुसरा मेसेज मला तुझा ( सारंग साठ्ये ) होता की आता हे असं असं सुरू आहे. तुम्हा दोघांचे मेसेज मी पहिल्यांदा वाचले आणि मग मी माझं अकाऊंट लॉगीन केलं. मला पासवर्ड आठवेना, हे सगळं करून मी ट्विटवर गेले. मग मी बघू लागले काय सुरू आहे."

गिरीजा पुढे म्हणाली, "ते जे काय झालं ते इतकं रँडम आहे आणि माझं त्यात काहीच कतृत्व नाही. ग्रोकवर चर्चा होती की मी कोण आहे आणि तिथे चर्चा होती की मी प्रिया बापट आहे."

"त्यावर रिप्लाय म्हणून एक मराठी ट्विटर युझर्सची फौज आली अरे ही गिरीजा आहे. तुम्हाला आता कळतंय, आम्हाला केव्हापासून माहिती आहे. मी म्हटलं, वॉव माझ्याबाजूने भांडणारे आलेत."