आमिर खान झाला गँगस्टर, मिथिला पालकरचा कधीच न पाहिलेला अंदाज, 1 मिनिट 16 वा सेकंद अजिबात चुकवू नका

आमिर खान प्रोडक्शन्सने आपली नवीन जासूसी कॉमेडी फिल्म ‘हॅपी पटेल: खतरनाक जासूस’ अतिशय मजेशीर आणि हटके अंदाजात जाहीर केली आहे. त्यामुळे प्रेक्षकांची सिनेमाबाबतची उत्सुकता वाढली आहे. नुकताच रिलीज झालेल्या 2 मिनिट 39 सेकंदाच्या ट्रेलरमध्येच भरपूर कॉमेडीचा डोज देण्यात आला आहे.

'हॅपी पटेल: खतरनाक जासूस' या ट्रेलरमध्ये जबरदस्त विनोद आणि अनेक मजेशीर, हटके ट्विस्ट पाहायला मिळत आहेत. ज्यावरून हा चित्रपट पूर्णपणे एंटरटेनमेंटने भरलेला असेल हे स्पष्ट होतं. दिग्दर्शक आणि अभिनेता अशा दुहेरी भूमिकेत वीर दास आपली वेगळी आणि फ्रेश कॉमेडी स्टाइल घेऊन आले आहेत, जी प्रेक्षकांना खळखळून हसवते. ऊर्जा, चार्म आणि यंग वाइबने भरलेला हा ट्रेलर चित्रपटाबद्दलची उत्सुकता आणखी वाढवतो.

'हॅपी पटेल: खतरनाक जासूस'च्या ट्रेलरमध्ये वीर दास अगदी नव्या अंदाजात दिसतात. एक परफेक्ट पण थोडासा इम्परफेक्ट जासूस, जो एका मिशनवर निघतो. कथा पुढे जात असताना तो अडचणीत सापडतो आणि मग सुरू होतो पूर्ण गोंधळ, जो पाहायला खूपच मजेदार आहे.

मोना सिंह आपल्या रॉ आणि दमदार अवताराने चकित करते. तिला याआधी कधीच अशा रूपात पाहिलेलं नाही. मिथिला पालकर आपल्या खास निरागसपणाने आणि चार्मने वेगळीच रंगत आणते. आमिर खानचा पूर्णपणे वेगळा आणि अनोखा लूक कथेला आणखी एक जबरदस्त तडका देतो. एकूणच, हा ट्रेलर मस्ती आणि वेडेपणाने भरलेली फुल-ऑन रोलरकोस्टर राइड आहे. 'हॅपी पटेल: खतरनाक जासूस' हा चित्रपट प्रेक्षकांना 16 जानेवारी 2025 पासून थिएटरमध्ये पाहता येणार आहे.

आमिर खान प्रोडक्शन्सने नेहमीच हटके आणि वेगळ्या प्रकारच्या कथा प्रेक्षकांसमोर मांडल्या आहेत. लगान, तारे जमीन पर, दंगल आणि सीक्रेट सुपरस्टार यांसारख्या उत्कृष्ट चित्रपटांनंतर, पुन्हा एकदा काहीतरी नवीन दाखवण्याचा 'हॅपी पटेल: खतरनाक जासूस' हा प्रयत्न आहे.

वीर दास आपल्या कॉमेडी स्टाईलसाठी जगभरात विशेष ओळखले जातात. गो गोआ गॉन, बदमाश कंपनी आणि दिल्ली बेली यांसारख्या चित्रपटांतही त्यांनी काम केलं आहे. हॅपी पटेल हा आमिर खान प्रोडक्शन्ससोबत वीर दास यांचा दिल्ली बेली नंतरचा दुसरा चित्रपट आहे.

आमिर खान प्रोडक्शन्सच्या बॅनरखाली तयार झालेल्या हॅपी पटेलचे दिग्दर्शन वीर दास यांनी केलं आहे. हा चित्रपट 16 जानेवारी 2026 रोजी चित्रपटगृहांत प्रदर्शित होणार आहे.