2 तास 29 मिनिटांची ही नवी फिल्म, OTT वर रिलीज होताच करतेय ट्रेंड, Netflix वर नंबर 1

Netflix वर मनोरंजनाची मोठी मेजवानी आहे. रोमान्स, सस्पेन्स, थ्रिलर, ड्रामा, अॅक्शन, अॅडव्हेंचर अशा वेगवेगळ्या जॉनरच्या फिल्म नेटफ्लिक्स या प्लॅटफॉर्मवर उपलब्ध आहेत. पण नेटफ्लिक्सवर नुकतीच रिलीज झालेली 2 सात 29 मिनिटांची एक नवी फिल्म मात्र OTT वर धुमाकूळ घालत आहे. या फिल्मची सध्या सर्वत्र चर्चा आहे.

ओटीटीवर प्रत्येक आठवड्यात नवीन फिल्म आणि सीरिज रिलीज होतात. नेटफ्लिक्स या ओटीटी प्लॅटफॉर्मकडेही चित्रपटप्रेमींसाठी मनोरंजनाचा मोठा खजिना आहे आणि या खजिन्यात असे अनेक मौल्यवान रत्न आहेत, ज्यांना प्रेक्षकांचं भरभरून प्रेम मिळतं. नुकत्याच रिलीज झालेल्या एका मिस्ट्री थ्रिलरसोबतही असंच घडलं आहे.

नेटफ्लिक्सवर ट्रेंड करत असलेल्या या फिल्मच्या कथेची सुरुवात बंसल हवेलीतील एका भयानक घटनेनंतर होते. जो गुन्हा एखाद्या धार्मिक विधीसारखा वाटतो, तो पुढे एक गुंतागुंतीच्या तपासात बदलतो. ज्यामध्ये कुटुंबातील गुपितं, श्रद्धा, सत्ता आणि भ्रष्टाचार यांचा समावेश असतो. हळूहळू पुढे सरकणारी ही कथा सविस्तर पोलिस तपास आणि भयावह क्राइम ड्रामा आवडणाऱ्या प्रेक्षकांसाठी खास तयार करण्यात आली आहे.

निर्मात्यांनी स्पष्ट केलं आहे की ही फिल्म सत्य घटनेवर आधारित नाही. मात्र, तो अनेक घटनांपासून प्रेरित आहे. चित्रपटात थेट 2018 मधील बुराडी मृत्यू प्रकरणाचा उल्लेख आहे. जिथे दिल्लीत एकाच कुटुंबातील 11 जण मृतावस्थेत आढळले होते.

भारतातील काही प्रत्यक्ष औद्योगिक गॅस गळतीच्या घटनांशीही काही बाबी या फिल्ममध्ये मिळत्याजुळत्या आहेत. ज्यामध्ये वस्तीच्या परिसरात विषारी वायू पसरल्यामुळे झालेले अपघात समाविष्ट आहेत. हे संदर्भ कथेला अधिक वास्तवदर्शी बनवतात, मात्र कथा पूर्णपणे काल्पनिकच आहे.

रात अकेली है: द बंसल मर्डर्स' (Raat Akeli Hai: The Bansal Murders) असं या फिल्मचं नाव आहे. हा चित्रपट 19 डिसेंबर 2025 रोजी नेटफ्लिक्सवर रिलीज झाला आहे. विशेष म्हणजे रिलीज होताच ही फिल्म नेटफ्लिक्सवर असून नंबर 1 ठरली आहे. सध्या ही फिल्म नेटफ्लिक्सवर नंबर 1 वर ट्रेंड करत आहे.

'रात अकेली है: द बंसल मर्डर्स' या सिनेमात दमदार कलाकारांची फौज आहे. नवाजुद्दीन सिद्दीकीसोबत चित्रांगदा सिंग मीरा या भूमिकेत दिसते. तर राधिका आपटे ही राधा भूमिकेत दिसून येते. याशिवाय दिप्ती नवल, इला अरुण, रेवती आशा केलूनी, रजत कपूर, संजय कपूर, अखिलेंद्र मिश्रा, श्रीधर दुबे आणि प्रियांका सेतिया हे कलाकारदेखील महत्त्वाच्या भूमिकेत आहेत.

'रात अकेली है: द बंसल मर्डर्स' या फिल्ममध्ये जबरदस्त मर्डर मिस्ट्री दाखवण्यात आली आहे. प्रत्येक फ्रेम सुरुवातीपासून शेवटपर्यंत प्रेक्षकांना बांधून ठेवते. डोक्याला शॉट देणारी ही सीरिज आहे. स्मिता सिंह यांनी या फिल्मचं कथानक लिहिलं असून हनी त्रेहन यांनी दिग्दर्शनाची धुरा सांभाळली आहे. या वीकेंडला ही मर्डर मिस्ट्री तुम्ही नक्की पाहू शकता.