मेहंदी रंगली गं! प्राजक्ता गायकवाडचा मेहंदीसोहळा, कुठे लिहिलंय 'शंभूराज' नाव, तुम्हाला दिसलं? PHOTOS

मराठमोळी अभिनेत्री प्राजक्ता गायकवाड येत्या 2 डिसेंबरला विवाहबंधनात अडकणार आहे. नुकताच प्राजक्ताचा मेहंदीसोहळा पार पडला आहे. प्राजक्ताने स्वत: मेहंदीसोहळ्याचे फोटो आणि व्हिडीओ सोशल मीडियावर शेअर केले आहेत.

प्राजक्या गायकवाडच्या होणाऱ्या पतीचं नाव शंभूराज आहे. त्यामुळे प्राजक्ताच्या हातावर शंभूराज यांच्या नावाची मेहंदी रंगली आहे. शंभूराजदेखील प्राजक्ताच्या मेहंदीसोहळ्या सहभागी झाले होते.

प्राजक्ताची ब्रायडल मेहंदी चाहत्याचं लक्ष वेधून घेत आहे. मेहंदीसोहळ्यासाठी प्राजक्ताने खास मेहंदी कलरचा लेहेंगा परिधान केला होता.

प्राजक्ता गायकवाड आणि शंभूराज 2 डिसेंबरला दुपारी 12 वाजून 24 मिनिटांनी लग्नबंधनात अडकणार आहे. पुण्यात त्यांचा शाही विवाहसोहळा पार पडणार आहे. या लग्नाला सिनेसृष्टीसह अनेक राजकीय क्षेत्रातील मंडळी उपस्थित राहणार आहेत.

शंभुराज यांनीदेखील आपल्या एका हातावर 'प्राजक्ता का दुल्हा' असं लिहिलं आहे. तर दुसऱ्या हातावर सनई चौघडेची डिझाइन काढत प्राजक्ता असं लिहिलं आहे.

प्राजक्ता गायकवाड आणि शंभूराज यांच्या मेहंदीसोहळ्याचे फोटो आणि व्हिडीओ सध्या सोशल मीडियावर व्हायरल होत आहेत. चाहत्यांना आता त्यांच्या लग्नाची उत्सुकता आहे.

'स्वराज्यरक्षक संभाजी' या मालिकेच्या माध्यमातून प्राजक्ता गायकवाड घराघरांत पोहोचली. काही दिवसांपूर्वी सोशल मीडियावर एक खास पोस्ट शेअर करत तिने लग्न ठरल्याची बातमी चाहत्यांसोबत शेअर केली होती.