Guess Who: एका वर्षात 30 चित्रपट, 80 अभिनेत्रींसोबत रोमान्स, 40 चित्रपटांमध्ये डबल रोल करणारा 'हा'अभिनेता कोण?

भारतात बॉलीवूड आणि दक्षिण चित्रपटसृष्टीने एकाहून एक सरस कलाकार दिले आहेत. अनेक कलाकारांनी आंतरराष्ट्रीय स्तरावर देखील आपली छाप सोडली आहे. अशाच कलाकारांपैकी एक म्हणजे प्रेम नजीर.

प्रेम नजीरने दाक्षिणात्य चित्रपटसृष्टीत खूप काम केले आहे. तब्बल 4 दशकांहून अधिक काळ त्यांनी प्रेक्षकाचं मनोरंजन केलंय.

प्रेम नजीर यांनी आपल्या कारकिर्दीत अनेक अभिनेत्रींसोबत काम केले आहे. रिपोर्ट्सनुसार, त्यांनी तब्बल 80 वेगवेगळ्या अभिनेत्रींसोबत काम केले आहे. त्यामध्ये सर्वात जास्त चित्रपट अभिनेत्री शीला सोबत केले असून, त्यांनी तिच्यासोबत 130 चित्रपट केले आहेत. या विक्रमासाठी त्यांचे नाव गिनीज बुकमध्ये नोंदवले गेले आहे.

प्रेम नजीर यांच्याबद्दल असेही म्हटले जाते की, त्यांनी एका वर्षात 30 चित्रपटांचे शूटिंग पूर्ण केले होते. साधारणतः जर एखाद्या अभिनेत्याचे वर्षाला 5-6 चित्रपट आले, तर त्यालाही खूप मानलं जातं. पण प्रेम नजीर यांनी एकदा नाही तर दोन वेगवेगळ्या वर्षांत 30 चित्रपट पूर्ण केले होते.

प्रेम नजीर यांचे निधन 62 वर्षांचे असताना झाले. जर ते अधिक काळ जगले असते, तर कदाचित त्यांच्या रेकॉर्ड्सच्या यादीत अजूनही अनेक रेकॉर्ड्सची भर पडली असती.

प्रेम नजीर यांना आजही त्यांच्या अद्वितीय विक्रमांसाठी ओळखले जाते. याशिवाय त्यांच्या नावावर आणखी एक खास रेकॉर्ड आहे.

प्रेम नजीर यांनी जवळपास 40 चित्रपटांमध्ये डबल रोल साकारले असल्याचं म्हटलं जातं. हा विक्रम आजपर्यंत कोणताही कलाकारला ब्रेक करता आलेला नाही.