राम चरणने दिली Good News, पुन्हा होणार बाबा, आजोबा चिंरजीवीची 'ती' इच्छा होणार पू्र्ण?

दाक्षिणात्य सुपरस्टार 'आरआरआर' फेम राम चरण दुसऱ्यांदा बाबा होणार आहे. पत्नी उपासना कोनिडेलाने ऐन दिवाळीत चाहत्यांना गुड न्यूज दिली आहे.

राम चरण आणि उपासनाला एक मुलगी असून आता लेकीच्या जन्मानंतर दोन वर्षांनी त्यांनी पुन्हा एकदा चाहत्यांना गुड न्यूज दिली आहे.

उपासनाने सोशल मीडियावर एक व्हिडीओ शेअर करत आपण प्रेग्नंट असल्याची सुखद वार्ता चाहत्यांना दिली आहे.

उपासनाने व्हिडीओ शेअर करत कॅप्शनमध्ये लिहिलं आहे,"यंदाची दिवाळी दुप्पट प्रेम आणि दुप्पट आशीर्वादाने भरलेली आहे". उपासनाचा हा व्हिडीओ व्हायरल होत असून चाहते सोशल मीडियाच्या माध्यमातून शुभेच्छांचा वर्षाव करत आहेत.

उपासना पुन्हा एकदा प्रेग्नंट असल्याने त्यांच्या कुटुंबियांसाठी यंदाची दिवाळी दुप्पट आनंदाची आहे. त्यांच्या कुटुंबामध्ये आनंदाचं वातावरण पाहायला मिळत आहे.

चिरंजीवी यांनी काही दिवसांपूर्वी. नातवाबद्दल वक्तव्य केलं होतं. त्यामुळे ते चर्चेत आले होते. नातू नसल्याची एक उणीव वाटते, असं ते म्हणाले होते.

राम-चरण आणि उपासना 2012 मध्ये लग्नबंधनात अडकले. त्यानंतर 2023 मध्ये त्यांनी काराला जन्म दिला. आता त्यांच्या दुसऱ्या बाळाची चाहत्यांना आतुरता आहे.